ലോർഡ്‌സ്: വേൾഡ് ടെസ്റ്റ് ചാമ്പ്യൻഷിപ്പിൽ ഓസ്‌ട്രേലിയക്കെതിരെ സൗത്ത് ആഫ്രിക്കക്ക് 282 റൺസിന്റെ വിജയലക്ഷ്യം. രണ്ടാം ഇന്നിങ്സിൽ ഓസ്‌ട്രേലിയ 207 റൺസിനാണ് പുറത്തായത്. രണ്ടാം ഇന്നിങ്സിൽ അവസാന വിക്കറ്റിൽ മിച്ചൽ സ്റ്റാർക്കും ജോഷ് ഹേസൽ വുഡും മികച്ച കൂട്ടുക്കെട്ടാണ് പടുത്തുയർത്തിയത്. 148 റൺസിന്‌ ഒമ്പത് വിക്കറ്റുകൾ എന്ന നിലയിൽ നിൽക്കെയാണ് ഇരുവരും ചേർന്ന് ടീമിനെ 207 എന്ന സ്കോർ ലൈനിൽ എത്തിച്ചത്.

ഇരുവരും പത്താം വിക്കറ്റിൽ 59 റൺസാണ് നേടിയത്. അർദ്ധ സെഞ്ച്വറി നേടിയാണ് സ്റ്റാർക്ക് തിളങ്ങിയത്. അഞ്ചു ഫോറുകൾ ഉൾപ്പടെ പുറത്താവാതെ 58 റൺസാണ് സ്റ്റാർക്ക് നേടിയത്. ഹേസൽവുഡ് 53 പന്തിൽ 17 റൺസും നേടി. രണ്ട്  ഫോറുകളാണ് താരം നേടിയത്. ഇരുവരുടെയും മികച്ച ബാറ്റിംഗ് പ്രകടനകളോടെ 1975ൽ പിറന്ന ഒരു റെക്കോർഡാണ് പഴങ്കഥയായത്.

ഐസിസി ടൂർണമെന്റുകളുടെ ഫൈനലിൽ പത്താം വിക്കറ്റിൽ ഏറ്റവും ഉയർന്ന കൂട്ടുകെട്ടാണ് സ്റ്റാർക്കും ഹേസൽവുഡും സ്വന്തമാക്കിയത്. 1975ലെ ഐസിസി ഏകദിന ലോകകപ്പ് ഫൈനലിൽ ഓസ്‌ട്രേലിയൻ താരങ്ങളായ ഡെന്നിസ് ലില്ലിയും ജെഫ് തോംസണും നേടിയ 41 റൺസിന്റെ കൂട്ടുകെട്ടാണ് ഇതിനു മുമ്പ് ഈ നേട്ടത്തിൽ ഉണ്ടായിരുന്നത്. ഇംഗ്ലണ്ടിനെതിരെയാണ്‌ ഇരുവരും 41 റൺസ് സ്വന്തമാക്കിയത്. 

സൗത്ത് ആഫ്രിക്ക പ്ലെയിംഗ് ഇലവൻ

റയാൻ റിക്കൽടൺ, എയ്ഡൻ മാർക്രം, വിയാൻ മൾഡർ, ടെംബ ബാവുമ (ക്യാപ്റ്റൻ), ഡേവിഡ് ബെഡിംഗ്ഹാം, ട്രിസ്റ്റൻ സ്റ്റബ്‌സ്, കൈൽ വെറെയ്‌നെ (വിക്കറ്റ് കീപ്പർ), മാർക്കോ ജാൻസൻ, കേശവ് മഹാരാജ്, കാഗിസോ റബാഡ , ലുങ്കി എൻഗിഡി. 

ഓസ്‌ട്രേലിയൻ പ്ലെയിംഗ് ഇലവൻ

ഉസ്മാൻ ഖവാജ, മാർനസ് ലാബുഷാഗ്നെ, കാമറൂൺ ഗ്രീൻ, സ്റ്റീവ് സ്മിത്ത്, ട്രാവിസ് ഹെഡ്, ബ്യൂ വെബ്‌സ്റ്റർ, അലക്സ് കാരി (വിക്കറ്റ് കീപ്പർ), പാറ്റ് കമ്മിൻസ് (ക്യാപ്റ്റൻ), മിച്ചൽ സ്റ്റാർക്ക്, നഥാൻ ലിയോൺ, ജോഷ് ഹേസൽവുഡ്.

Mitchell Starc and Josh Hazlewood have now achieved the highest partnership for the 10th wicket in an ICC tournament final following their 10th-wicket partnership in the World Test Championship final