മലപ്പുറം: നിലമ്പൂര്‍ ഉപതിരഞ്ഞെടുപ്പ് പ്രചാരണത്തിനിടെ കോണ്‍ഗ്രസ് നേതാക്കളുടെ വാഹനം തടഞ്ഞ് പൊലിസ് പരിശോധന നടത്തിയ സംഭവം ചര്‍ച്ചയാകുന്നു. ഷാഫി പറമ്പില്‍ എംപിയും രാഹുല്‍ മാങ്കൂട്ടത്തില്‍ എംഎല്‍എയും സഞ്ചരിച്ച കാറില്‍ നിന്ന് ഒരു പെട്ടി താഴെയിറക്കി പരിശോധിച്ച പൊലിസിന് സംശയാസ്പദമായ ഒന്നും കണ്ടെത്താനായില്ല. വസ്ത്രങ്ങളും പുസ്തകങ്ങളും മാത്രമാണ് പെട്ടിയിലുണ്ടായിരുന്നത്.

വെള്ളിയാഴ്ച രാത്രി പത്ത് മണിയോടെ നിലമ്പൂര്‍ വടപുറത്ത് നടന്ന ഈ സംഭവത്തില്‍ കോണ്‍ഗ്രസ് നേതാക്കള്‍ പ്രതിഷേധിച്ചു. 'ഇതൊക്കെ കണ്ടിട്ടാണ് വരുന്നതെന്നും, പൊട്ടിമുളച്ച് എംഎല്‍എയും എംപിയും ആയതല്ല' എന്നും ഷാഫി പറമ്പില്‍ പ്രതികരിച്ചു. സിപിഎമ്മിന് വേണ്ടിയുള്ള വേഷം കെട്ടലുകളാണ് ഇത്തരം സംഭവങ്ങളെന്നും നേതാക്കള്‍ ആരോപിച്ചു.

അതേസമയം, പാലക്കാട് ഉപതിരഞ്ഞെടുപ്പിനിടെയും കോണ്‍ഗ്രസ് നേതാക്കള്‍ താമസിച്ച ഹോട്ടല്‍ മുറികളില്‍ സമാനമായ പരിശോധന നടന്നിരുന്നു. യുഡിഎഫ് നേതൃത്വം കള്ളപ്പണം കടത്തിയെന്ന എല്‍ഡിഎഫിന്റെ ആരോപണത്തെ തുടര്‍ന്നായിരുന്നു ആ പരിശോധന. എന്നാല്‍ അന്നും ഒന്നും കണ്ടെത്താനായിരുന്നില്ല.

'സര്‍വിസിനുള്ള പാരിതോഷികം തരാമെന്നും ഓര്‍ത്തുവെച്ചോയെന്നും' രാഹുല്‍ മാങ്കൂട്ടത്തില്‍ എംഎല്‍എ പൊലിസിനോട് പറയുന്നതും വീഡിയോയില്‍ കാണാം.

During the Nilambur by-election campaign, Kerala Police stopped a vehicle carrying Congress leaders Shafi Parambil (MP) and Rahul Mankootathil (MLA) and conducted a search. The inspection of a bag from the car found only clothes and books, sparking political controversy. Congress alleges political vendetta. #KeralaNews #ElectionControversy