തെല്‍ അവീവ്: തങ്ങള്‍ക്ക് ഒരു നഷ്ടവും വരുത്താന്‍ ഇറാന് കഴിഞ്ഞിട്ടില്ലെന്ന്  അധികൃതര്‍ വീമ്പ് പറയുമ്പോഴും ഇറാന്റെ തിരിച്ചടി ഇസ്‌റാഈലിനുണ്ടാക്കിയ ാഘാതം ചെറുതല്ലെന്ന് കാണിക്കുന്നതാണ് പുറത്തു വരുന്ന കണക്കുകള്‍. ഇസ്‌റാഈല്‍ അതിക്രമത്തിന് നല്‍കിയ തിരിച്ചടിയില്‍ ഇറാന്‍  370 മിസൈലുകളും 100ലധികം ഡ്രോണുകളും ഉപയോഗിച്ച്  11 ആക്രമണങ്ങള്‍ നടത്തിയതായാണ് റിപ്പോര്‍ട്ടുകള്‍ കാണിക്കുന്നത്. ഇസ്‌റാഈല്‍ മാധ്യമങ്ങള്‍ തന്നെയാണ് ഇക്കാര്യം സ്ഥിരീകരിക്കുന്ന റിപ്പോര്‍ട്ടുകള്‍ പുറത്തു വിടുന്നത്. 
ഇറാന്‍ ഇതുവരെ നടത്തിയ ആക്രമണങ്ങളില്‍ 19 ഇസ്‌റാഈലികള്‍ കൊല്ലപ്പെട്ടു.  97 പേര്‍ കൊല്ലപ്പെടുകയോ പരുക്കേല്‍ക്കുകയോ ചെയ്തിട്ടുണ്ടെന്ന് മെഹര്‍ വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. ഇന്ന് മാത്രം എട്ടു മരണമാണ് ഇസ്‌റാഈലില്‍ സ്ഥിരീകരിച്ചിരിക്കുന്നത്. മധ്യ ഇസ്‌റാഈലിലാണ് എട്ടു പേര്‍ കൊല്ലപ്പെട്ടത്. 

കിഴക്കന്‍ ജെറുസലേം, തെല്‍ അവിവ്, ഹൈഫ, ബെന്‍ഗുരിയോന്‍ എയര്‍പോര്‍ട്ട് പരിസരം എന്നിവിടങ്ങളിലാണ് ഇറാന്‍ ഇന്ന് ആക്രമണം നടത്തിയത്. ഹൈഫയിലെ മൂന്നിടങ്ങളിലാണ് ഇറാന്റെ ആക്രമണമുണ്ടായത്. നിരവധി പേര്‍ക്ക് പരുക്കേറ്റതായും റിപ്പോര്‍ട്ടുകളുണ്ട്.

ഹൈഫ പവര്‍പ്ലാന്റില്‍ തീ പടര്‍ന്നു. ഇവിടെ രണ്ട് പവര്‍ജനറേറ്ററുകളിലും ആക്രമണമുണ്ടായി. മിസൈലുകള്‍ നേരിട്ട് പതിച്ചെന്ന് ഇസ്റാഈല്‍ റേഡിയോ റിപ്പോര്‍ട്ട് ചെയ്യുന്നു. 

ഇറാന്‍ ആക്രമണത്തില്‍ തീപിടിച്ച ഹൈഫ റിഫൈനറിയില്‍ തീയണക്കാന്‍ ശ്രമം തുടരുന്നു. പ്രതിദിനം 10 ദശലക്ഷം ക്രൂഡ് ഓയില്‍ വരെ ഉത്പാദിപ്പിക്കുന്ന ഇസ്‌റാഈലിലെ ഏറ്റവും വലിയ ഓയില്‍ റിഫൈനറിയാണ് ഹൈഫയിലേത്. തീയണക്കാനായില്ലെങ്കില്‍ യൂറോപ്പിലേക്കുള്ള ക്രൂഡ് ഓയില്‍ കയറ്റുമതിയെ ബാധിക്കാന്‍ സാധ്യതയുണ്ടെന്ന് ഇസ്‌റാഈലി  മാധ്യമങ്ങള്‍ റിപ്പോര്‍ട്ട് ചെയ്യുന്നു. 

ALSO READ: ഇസ്‌റാഈലില്‍ ഇറാനിയന്‍ തീമഴ; തീഗോളമായി ഹൈഫ പവര്‍ പ്ലാന്റ്, മിസൈലുകള്‍ നേരിട്ട് പതിച്ചെന്ന് ഇസ്‌റാഈല്‍

കഴിഞ്ഞ ദിവസമാണ് റിഫൈനറിക്ക് നേരെ ആക്രമണമുണ്ടായത്. പ്ലാന്റിലെ രണ്ടിടങ്ങളില്‍ ഇറാന്റെ മിസൈലുകള്‍ നേരിട്ട് പതിച്ചതായി ഇസ്‌റാഈല്‍ സൈന്യം സ്ഥിരീകരിച്ചു.

ജറുസലേമില്‍ മിസൈല്‍ പതിച്ച് തീപിടിത്തമുണ്ടായിട്ടുണ്ട്. നൂറിനടുത്ത് മിസൈലുകള്‍ ഇവിടെ പതിച്ചതായാണ് ഇസ്റാഈലില്‍ നിന്ന് തന്നെ വരുന്ന റിപ്പോര്‍ട്ട്. അതേസമയം, പ്രതിരോധ സംവിധാനം പ്രവര്‍ത്തിക്കുന്നതായും മിസൈലുകള്‍ ഭൂരിഭാഗവും പ്രതിരോധിച്ചെന്നും ഇസ്റാഈല്‍ ആര്‍മി റേഡിയോ റിപ്പോര്‍ട്ടില്‍ അവകാശപ്പെടുന്നു. ചിലത് കെട്ടിടത്തില്‍ നേരിട്ട് പതിച്ചെന്നും റിപ്പോര്‍ട്ട് വ്യക്തമാക്കുന്നു. നാശനഷ്ടം പരിശോധിക്കും വരെ സുരക്ഷിത സ്ഥാനത്ത് തുടരാനും നിര്‍ദേശം നല്‍കിയിട്ടുണ്ട്.

ALSO READ: റെക്കോര്‍ഡ് വിലയില്‍ നിന്ന് നേരിയ ഇടിവുമായി സ്വര്‍ണം, എന്നാല്‍ ഒരുതരി പൊന്നിന് വേണം പതിനായിരങ്ങള്‍...

തെല്‍ അവിവിലെ കെട്ടിടത്തില്‍ മിസൈല്‍ നേരിട്ട് പതിച്ചതായി ഇസ്റാഈല്‍ സൈന്യം അറിയിച്ചു.തെല്‍ അവിവ് നഗരത്തില്‍ നാല് മിസൈലുകള്‍ നേരിട്ട് പതിച്ചെന്നും തെല്‍ അവിവില്‍ കനത്ത നാശനഷ്ടമെന്ന് ഇസ്റാഈല്‍ ആര്‍മി റേഡിയോ റിപ്പോര്‍ട്ട് ചെയ്തു. ആക്രമണത്തില്‍ 25 ലധികം ഇസ്റാഈല്‍ പൗരന്മാര്‍ക്ക് പരിക്കേറ്റതായും റിപ്പോര്‍ട്ട് വ്യക്തമാക്കുന്നു.

Despite Israeli claims of minimal impact, Iranian retaliation has caused significant damage. Reports confirm 370 missiles and 100+ drones targeted Israel in 11 waves, leaving 19 dead and over 97 injured. Major infrastructure like the Haifa oil refinery and power plants were hit.