ഒഡിഷയിലെ ഭുവനേശ്വറിനടുത്തുള്ള റായ്ഗഡ ജില്ലയിലെ ഗോരക്പൂര്‍ പഞ്ചായത്തിലെ ബൈഗനഗുഡ ഗ്രാമത്തില്‍ ഒരു യുവതി മറ്റൊരു ജാതിയില്‍പ്പെട്ട യുവാവിനെ വിവാഹം ചെയ്തതിനെ തുടര്‍ന്ന് അവളുടെ കുടുംബത്തിലെ 40 പുരുഷന്മാര്‍ക്ക് തല മുണ്ഡനം ചെയ്യേണ്ടി വന്നു. കുടുംബത്തിന്റെ 'ശുദ്ധീകരണം' നടത്താനാണ് ഈ ആചാരം നടത്തിയതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. പട്ടികവര്‍ഗ (എസ്ടി) വിഭാഗത്തില്‍പ്പെട്ട യുവതി പട്ടികജാതി (എസ്സി) വിഭാഗത്തില്‍പ്പെട്ട യുവാവിനെ വിവാഹം ചെയ്തതാണ് ഈ ദുരാചാരത്തിന് കാരണമായത്.

ഈ ചടങ്ങിന്റെ ഭാഗമായി, ഗ്രാമത്തിലെ ദേവസ്ഥാനത്തിന് മുന്നില്‍ ആട്, പന്നി, കോഴി തുടങ്ങിയവയെ ബലി നല്‍കിയതായും റിപ്പോർട്ടിൽ പറയുന്നു. ഇരുപതുകളിലെത്തിയ യുവതിയും യുവാവും തമ്മിലുള്ള പ്രണയം കുടുംബം എതിര്‍ത്തിരുന്നു. യുവാവ് ആദിവാസി വിഭാഗത്തില്‍ നിന്നല്ലാത്തതായിരുന്നു എതിര്‍പ്പിന്റെ പ്രധാന കാരണം. എന്നാല്‍, ഇരുവരും വിവാഹം കഴിക്കാന്‍ തീരുമാനിച്ചു.

ഗ്രാമത്തിന്റെ ആചാരപ്രകാരം മറ്റൊരു ജാതിയില്‍പ്പെട്ടവരെ വിവാഹം കഴിക്കുന്നത് വിലക്കപ്പെട്ടതാണെന്ന് യുവതിയുടെ കുടുംബം വാദിക്കുന്നു. ഇത്തരം വിവാഹങ്ങള്‍ ഗ്രാമദേവതയുടെ കോപത്തിന് കാരണമാകുമെന്നും അവര്‍ പറയുന്നു. യുവതി ജാതിനീതി വകവെക്കാതെ വിവാഹം ചെയ്തതിനാല്‍ കുടുംബത്തിന് സമുദായത്തില്‍ നിന്ന് ഭ്രഷ്ട് കല്പിക്കപ്പെട്ടു. ഇത് പരിഹരിക്കാന്‍, കുടുംബത്തിലെ പുരുഷന്മാര്‍ തല മുണ്ഡനം ചെയ്യണമെന്ന് സമുദായ നേതാക്കള്‍ ആവശ്യപ്പെട്ടു. കൂടാതെ, ഗ്രാമദേവതയ്ക്ക് മൃഗബലിയും നടത്തി.

ഈ സംഭവത്തിന്റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വ്യാപകമായി പ്രചരിച്ചു. ഇതിനെ തുടര്‍ന്ന് കാശിപൂര്‍ ബിഡിഒ അന്വേഷണത്തിന് ഉത്തരവിട്ടു. എന്നാല്‍, തല മുണ്ഡനം ചെയ്യാനോ മൃഗബലി നടത്താനോ ആരും നിര്‍ബന്ധിച്ചിട്ടില്ലെന്ന് കുടുംബം അറിയിച്ചതായി ബിഡിഒ ബിജയ് സോയ മാധ്യമങ്ങളോട് വ്യക്തമാക്കി. മിശ്രവിവാഹിതര്‍ക്കുള്ള സര്‍ക്കാര്‍ സഹായം യുവദമ്പതികള്‍ക്ക് നല്‍കുമെന്നും അദ്ദേഹം കൂട്ടിച്ചേര്‍ത്തു.

In a disturbing display of social prejudice, 40 family members of a tribal woman in Odisha's Rayagada district shaved their heads as part of a purification ritual after she married a man from a different caste. The woman, belonging to the Scheduled Tribe (ST) community, had married a man from the Scheduled Caste (SC) community, which led to their families opposing the union. Despite this, the couple got married, prompting the woman's family to undergo the ritual to seek forgiveness from their village deity and reintegrate into society. The incident has sparked controversy, with authorities ordering an investigation ¹ ².