മലപ്പുറം: നിലമ്പൂര്‍ ഉപതെരഞ്ഞെടുപ്പിലെ വോട്ടെണ്ണല്‍ പുരോഗമിക്കുമ്പോള്‍ ലീഡ് തുടര്‍ന്ന് യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്ത്. 

9437 വോട്ടിന് യുഡിഎഫിന്റെ ആര്യാടന്‍ ഷൗക്കത്ത് ലീഡ് ചെയ്യുന്നു. എട്ട് റൗണ്ട് വോട്ടെണ്ണല്‍ പൂര്‍ത്തിയായി. വോട്ടെണ്ണലിന്റെ തുടക്കം മുതല്‍ എണ്ണിയ എല്ലാ റൗണ്ടുകളിലും ആര്യാടന്‍ ഷൗക്കത്തിന് വ്യക്തമായ ലീഡ് നേടാന്‍ കഴിഞ്ഞു.

ആദ്യം എണ്ണിയ വഴിക്കടവ് പഞ്ചായത്തിലെ വോട്ടുകള്‍ എണ്ണി പൂര്‍ത്തിയായപ്പോള്‍ യുഡിഎഫ് വ്യക്തമായ ലീഡ് നേടി. മൂത്തേടം പഞ്ചായത്തിലും, എടക്കരയിലും ലീഡ് യുഡിഎഫിന് ഒപ്പമാണ്. പോത്തുകല്ല് പഞ്ചായത്തില്‍ മാത്രമാണ് എല്‍ഡിഎഫ് സ്ഥാനാര്‍ഥി എം.സ്വരാജിന് വോട്ടു വിഹിതം വര്‍ധിപ്പിക്കാനായത്. എന്നാല്‍ ഇവിടെ എല്‍ഡിഎഫ് പ്രതീക്ഷിച്ച ലീഡ് നേടാനായില്ല. പകരം ആര്യാടന്‍ ഷൗക്കത്ത് നേട്ടമുണ്ടാക്കി. പി.വി അന്‍വറും വോട്ടുകള്‍ നേടി. വോട്ടെണ്ണല്‍ പുരോഗമിക്കുമ്പോള്‍ മൂന്നാം സ്ഥാനത്ത് ഉള്ള അന്‍വര്‍ പതിനായിരത്തിലേറെ വോട്ടുകള്‍ നേടിയിട്ടുണ്ട്. അന്‍വറിന്റെ പകുതി വോട്ടുകള്‍ പോലും നേടാനാവാതെ ബിജെപിയുടെ എന്‍ഡിഎ സഖ്യം നാലാം സ്ഥാനത്താണ്.

അതേസമയം നഷ്ടമായത് ഓരോന്നും തിരിച്ച് പിടിക്കുന്നതിന്റെ തുടക്കം നിലമ്പൂരില്‍ നിന്നാണെന്ന് രാഹുല്‍ മാങ്കൂട്ടത്തില്‍ ഫേസ്ബുക്കില്‍ പ്രതികരിച്ചു. ഇനി യുഡിഎഫ് ന്റെ വഴികളില്‍ വിജയ
'പൂക്കളുടെ കാലം'....എന്നും രാഹുല്‍ കുറിച്ചു.