കൊച്ചി: പാതിവില തട്ടിപ്പ് കേസിലെ പ്രധാന പ്രതി കെഎൻ ആനന്ദകുമാറിന് രണ്ട് കേസുകളിൽ ജാമ്യം. ഉപാധികളോടെയാണ് പ്രതിക്ക് ജാമ്യം അനുവദിച്ചത്. പ്രായമായെന്നും രോഗിയാണെന്നും ഉള്ള പരിഗണനയിലാണ് ജസ്റ്റിസ് ബെച്ചു കുര്യൻ തോമസ് അധ്യക്ഷനായ സിംഗിൾ ബെഞ്ചിന്റെ ഈ നടപടി.

 സർദാർ പട്ടേൽ റിസർച്ച് ഇൻസ്റ്റിറ്റ്യൂട്ടിലൂടെ പകുതി വിലയ്ക്ക് സ്കൂട്ടറും ഗൃഹോപരണങ്ങളും നൽകാമെന്ന് വിശ്വസിപ്പിച്ച് 60,000 രൂപ തട്ടിയെടുത്തുവെന്ന കേസിലാണ് കെഎൻ ആനന്ദകുമാറിന് ജാമ്യം അനുവദിച്ചത്. കേസിലെ പ്രധാന പ്രതിയായ ആനന്ദകുമാർ നിലവിൽ റിമാൻഡിൽ ആണ് ഉള്ളത്. രണ്ട് കേസുകളിൽ ജാമ്യം ലഭിച്ചെങ്കിലും മറ്റ് കേസുകളിൽ കൂടി ജാമ്യം നേടാൻ സാധിക്കാത്തത് കൊണ്ടാണ് കെഎൻ ആനന്ദ് കുമാറിന് ഇപ്പോഴും ജയിലിൽ നിന്നും പുറത്തിറങ്ങാൻ സാധിക്കാത്തത്. 

കഴിഞ്ഞവർഷം ഫെബ്രുവരി 15നായിരുന്നു പാതിവില ഓഫർ തട്ടിപ്പിനായി അഞ്ചംഗങ്ങളുള്ള ട്രസ്റ്റ് രൂപീകരിച്ചത്. സായി ഗ്രാമം ട്രസ്റ്റ് ചെയർമാനായ കെ എൻ ആനന്ദകുമാർ ആൻ ജീവനാന്ത ചെയർമാനായ ട്രസ്റ്റിൽ അഞ്ച് അംഗങ്ങൾ ആയിരുന്നു ഉണ്ടായിരുന്നത്. അനന്തു കൃഷ്ണൻ, ഷീബ സുരേഷ്, ബീന സെബാസ്റ്റ്യൻ, ജയകുമാരൻ നായർ എന്നിവരാണ് ട്രസ്റ്റിലെ മറ്റ് അംഗങ്ങൾ. ഈ തട്ടിപ്പിൽ തനിക്ക് പങ്കില്ലെന്നും പണം ഇടപാട് ഉൾപ്പെടെയുള്ള എല്ലാ കാര്യങ്ങളും ആസൂത്രണം ചെയ്തിരുന്നത് അനന്തകൃഷ്ണൻ ആയിരുന്നു എന്നാണ് കെ എൻ ആനന്ദകുമാർ പറഞ്ഞത്.

Unusual fraud case Accused KN Anandakumar granted bail in two cases