റിയാദ്: സഊദി അറേബ്യയില്‍ സ്വദേശിവത്കരണ (നിതാഖാത്) പദ്ധതികള്‍ ആരംഭിച്ചതിനുശേഷം കഴിഞ്ഞ 10 വര്‍ഷത്തിനിടെ 25 ലക്ഷം സഊദി പൗരന്മാര്‍ക്ക് സ്വകാര്യമേഖലയില്‍ തൊഴില്‍ ലഭിച്ചതായി അധികൃതര്‍. ഈ നേട്ടം രാജ്യത്തെ തൊഴില്‍ ചരിത്രത്തിലെ പുതിയ റെക്കോര്‍ഡാണെന്ന് മാനവവിഭവശേഷി, സാമൂഹിക വികസന മന്ത്രാലയം അറിയിച്ചു.

ALSO READ: വേനൽക്കാല പ്രചാരണ പരിപാടികൾ ആരംഭിച്ച് ദുബൈ ഡെസ്റ്റിനേഷൻസ്

2025ന്റെ ആദ്യ പാദത്തില്‍ മാത്രം 1,43,000 സഊദി പൗരന്മാര്‍ക്ക് പുതിയ തൊഴിലവസരങ്ങള്‍ ലഭ്യമാക്കാന്‍ കഴിഞ്ഞു. തൊഴിലാളികള്‍ക്ക് പരിശീലനം, ശാക്തീകരണം, മെന്ററിങ് പ്രോഗ്രാമുകള്‍ എന്നിവയ്ക്കായി 183 കോടി റിയാല്‍ ചെലവഴിച്ചതായും മന്ത്രാലയം വ്യക്തമാക്കി.

സഊദി പൗരന്മാര്‍ക്കിടയിലെ തൊഴിലില്ലായ്മ നിരക്ക് 6.3 ശതമാനമായി കുറഞ്ഞു. ഇത് സ്ഥിതിവിവരക്കണക്കുകള്‍ ശേഖരിക്കാന്‍ തുടങ്ങിയതിനുശേഷമുള്ള ഏറ്റവും താഴ്ന്ന നിരക്കാണ്. ഈ കുറവ് തൊഴില്‍ വിപണിയെ വികസിപ്പിക്കുന്നതിനും ദേശീയ മനുഷ്യവിഭവശേഷിയെ ശാക്തീകരിക്കുന്നതിനും ലക്ഷ്യമിട്ടുള്ള ദേശീയ പദ്ധതികളുടെ വിജയത്തെ സൂചിപ്പിക്കുന്നുവെന്ന് മന്ത്രാലയം അവകാശപ്പെട്ടു. വിഷന്‍ 2030ന്റെ 7 ശതമാനം തൊഴിലില്ലായ്മ ലക്ഷ്യം 6 വര്‍ഷം മുന്‍പേ നേടിയ രാജ്യം, ഇപ്പോള്‍ 5 ശതമാനം എന്ന പുതിയ ലക്ഷ്യത്തിലേക്ക് മുന്നോട്ടു നീങ്ങുകയാണ്.

ALSO READ: യുഎഇയിലെ അടുത്ത അവധി എപ്പോൾ, അത് ഒരു നീണ്ട വാരാന്ത്യമായിരിക്കുമോ? കൂടുതൽ അറിയാം

സ്വദേശിവത്കരണ നയങ്ങളുടെ ഫലമായി വിദേശ തൊഴിലാളികള്‍ക്ക് ഈ കാലയളവില്‍ വന്‍ തൊഴില്‍ നഷ്ടം നേരിട്ടുവെന്നും റിപ്പോര്‍ട്ടുകള്‍ സൂചിപ്പിക്കുന്നു.

A new report reveals that 2.5 million Saudis have secured jobs in the past ten years, reflecting a major shift in the Kingdom’s employment landscape. However, the trend has reportedly led to significant job losses among expatriate workers.