കുവൈത്ത് സിറ്റി: അബ്ദാലിയിലെ മരുഭൂമി പ്രദേശത്ത് പ്രവർത്തിച്ചിരുന്ന നിയമവിരുദ്ധ മദ്യനിർമ്മാണ ശാലയിൽ പൊലിസ് റെയ്ഡ്. അബ്ദാലി സുരക്ഷാ ഉദ്യോഗസ്ഥരും സിഐഡികളും നടത്തിയ റെയ്ഡിൽ ആറ് ഏഷ്യൻ പൗരന്മാരെ അറസ്റ്റ് ചെയ്തു.

ഒരു സുരക്ഷാ വൃത്തങ്ങൾ വ്യക്തമാക്കിയതനുസരിച്ച്, നിയമവിരുദ്ധ പ്രവർത്തനങ്ങളെക്കുറിച്ച് വിവരം ലഭിച്ചതിനെ തുടർന്ന് നടത്തിയ നിരീക്ഷണത്തിനും അന്വേഷണത്തിനും ശേഷമായിരുന്നു ഈ റെയ്ഡ്. റെയ്ഡിൽ മദ്യനിർമ്മാണത്തിന് ഉപയോഗിക്കുന്ന നിരവധി ബാരലുകൾ, ഉപകരണങ്ങൾ, മദ്യനിർമ്മാണത്തിനുള്ള വസ്തുക്കൾ എന്നിവ ഉദ്യോഗസ്ഥർ കണ്ടെത്തി. കൂടാതെ, വിൽപ്പനയ്ക്കായി തയ്യാറാക്കി നിറച്ച നിരവധി കുപ്പി മദ്യവും സ്ഥലത്ത് നിന്ന് പിടിച്ചെടുത്തു.

ALSO READ: പൊന്നണിയുന്നത് സ്വപ്നമായി മാറുമോ? 500 ദിർഹം കടന്ന് യുഎഇയിലെ സ്വർണവില

ചോദ്യം ചെയ്യലിൽ, പ്രതകൾ മദ്യം നിർമ്മിക്കുകയും വിൽപ്പനയ്ക്കായി വിതരണം ചെയ്യുകയും ചെയ്തതായി സമ്മതിച്ചുവെന്നാണ് റിപ്പോർട്ട്. അറസ്റ്റ് ചെയ്യപ്പെട്ടവരെയും പിടിച്ചെടുത്ത വസ്തുക്കളെയും കൂടുതൽ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി.

അതേസമയം കഴിഞ്ഞ ഓഗസ്റ്റിൽ, നിയമവിരുദ്ധ മദ്യനിർമ്മാണവും വിൽപ്പനയും നടത്തിയ 67 പേരെ ആഭ്യന്തര മന്ത്രാലയം അറസ്റ്റ് ചെയ്തിരുന്നു. പത്ത് അനധികൃത ഫാക്ടറികളിൽ നിന്നാണ് ഇവരെ പിടികൂടിയത്. ഇതിൽ ആറെണ്ണം മദ്യനിർമ്മാണത്തിനായും, നാലെണ്ണം റസിഡൻഷ്യൽ, വ്യാവസായിക മേഖലകളിൽ പ്രവർത്തിച്ചിരുന്നവയുമാണ്.

Kuwait police have arrested six Asian nationals in connection with an illegal liquor factory in Abdali. The raid was conducted jointly by Abdali security officials and the Criminal Investigation Department (CID). The suspects were found to be manufacturing and selling liquor in the desert area, and a significant quantity of liquor and equipment were seized during the operation.