ലണ്ടൻ: മരണപ്പെട്ട പോർച്ചുഗീസ് താരം ഡിയോഗോ ജോട്ടയോടുള്ള ആദരസൂചകമായി താരത്തിന്റെ 20ാം നമ്പർ ജേഴ്സി റിട്ടയർ ചെയ്ത് ലിവർപൂൾ. ജോട്ടയുടെ കുടുംബങ്ങളുമായി നടത്തിയ ചർച്ചക്ക് ശേഷമാണ് ലിവർപൂൾ താരത്തിന്റെ ജേഴ്സി നമ്പർ റിട്ടയർ ചെയ്യാൻ തീരുമാനിച്ചത്. ലിവർപൂൾ തങ്ങളുടെ ഫുട്ബോൾ ചരിത്രത്തിൽ ആദ്യമായാണ് ഒരു ജേഴ്സി നമ്പർ ഇത്തരത്തിൽ റിട്ടയർ ചെയ്യുന്നത്. ലിവർപൂളിന്റെ പുരുഷ ടീം മാത്രമല്ല വനിതാ, അക്കാദമി ടീമുകൾ തുടങ്ങി ക്ലബ്ബിന്റെ എല്ലാ ടീമുകളിൽ നിന്നും ഈ ജേഴ്സി നമ്പർ റിട്ടയർ ചെയ്തിട്ടുണ്ട്. 

ALSO READ: കളിക്കളത്തിൽ ഞാൻ നേരിട്ടതിൽ ഏറ്റവും കടുത്ത എതിരാളി അവനാണ്: കെയ്ൻ വില്യംസൺ

ജൂലൈ മൂന്നിന് സ്‌പെയിനിൽ വെച്ചുണ്ടായ വാഹനാപകടത്തിലാണ് ഡിയാഗോ ജോട്ട മരണപ്പെട്ടത്. സ്പെയ്നിലെ മുർസിയിൽ മറ്റൊരു വാഹനത്തെ മറികടക്കുന്നതിനിടെ കാറിന്റെ ടയർ പൊട്ടിയതിനെ തുടർന്ന് കാർ റോഡിൽ നിന്ന് തെന്നിമാറി തീപിടിക്കുകയായിരുന്നു. അപകടത്തിൽ ജോട്ടയുടെ സഹോദരനായ ആന്ദ്രേ സിൽവയും മരണപ്പെട്ടു. 

2020ൽ വോൾവർഹാംടൺ വാണ്ടറേസിൽ നിന്നാണ് ജോട്ട ലിവർപൂളിൽ എത്തിയത്. ലിവർപൂളിനൊപ്പം 165 മത്സരങ്ങളിൽ നിന്നും 64 ഗോളുകളും താരം നേടിയിട്ടുണ്ട്.  യർഗൻ ക്ലോപ്പിന്റെ കീഴിൽ എഫ്എ കപ്പും ലീഗ് കപ്പും നേടിയ അദ്ദേഹം, 2024/25 സീസണിൽ ആർനെ സ്ലോട്ടിന് കീഴിൽ പ്രീമിയർ ലീഗ് കിരീടവും സ്വന്തമാക്കി. എഫ്എ കപ്പും ലീഗ് കപ്പും നേടിയ അദ്ദേഹം, 2024/25 സീസണിൽ ആർനെ സ്ലോട്ടിന് കീഴിൽ പ്രീമിയർ ലീഗ് കിരീടവും സ്വന്തമാക്കി.

Liverpool have retired the number 20 jersey of late Portuguese star Diogo Jotta as a tribute to the player