ശ്രീനാരായണഗുരു ഓപൺ സർവകലാശാലയിൽ ഡിസ്റ്റൻസായി ഡി​ഗ്രി, പിജി കോഴ്സുകൾ പഠിക്കാം. ഓപൺ ആൻഡ് ഡിസ്റ്റൻസ് കോഴ്സുകൾക്ക് യു.ജി.സി സ്റ്റുഡൻസ് എജുക്കേഷൻ ബോർഡിന്റെ (ഡി.ഇ.ബി) അംഗീകാരമുണ്ട്. പ്ലസ് ടു കഴിഞ്ഞവർക്ക് 3/4 വർഷത്തെ ഡിഗ്രി (യു.ജി) കോഴ്സുകളിലും,  ഡി​ഗ്രി കഴിഞ്ഞവർക്ക് പിജി കോഴ്സുകളിലും പ്രവേശനം ലഭിക്കും. 2025-26 വർഷത്തെ  പ്രവേശനത്തിനായുള്ള ഓൺലൈൻ രജിസ്ട്രേഷൻ ജൂലൈ ഒന്നിന് തുടങ്ങി. സെപ്റ്റംബർ 10നാണ് അപേക്ഷ സ്വീകരിക്കുന്ന അവസാന തീയതി. കോഴ്സുകൾ, അപേക്ഷ വിവരങ്ങൾ ചുവടെ,

നാലുവർഷ യു.ജി  
ഇംഗ്ലീഷ്, മലയാളം, ഹിസ്റ്ററി, സോഷ്യോളജി, ബി.ബി.എ, ബി.കോം കോഴ്സുകളിലാണ് ഡി​ഗ്രി പ്രവേശനം. നാലുവർഷത്തിൽ എട്ട് സെമസ്റ്ററുകൾ ഉണ്ടായിരിക്കും. മൂന്നുവർഷം പൂർത്തിയാവുമ്പോൾ ബിരുദം നേടി പുറത്തുപോകാവുന്ന എക്സിറ്റ് ഓപ്ഷൻ ലഭ്യമാണ്.

 പ്ലസ് ടു/ഹയർസെക്കൻഡറി/തത്തുല്യ​ പരീക്ഷ പാസായവർക്ക് ഡി​ഗ്രിക്കായി അപേക്ഷിക്കാം. 

മൂന്നുവർഷ യു.ജി 
ബി.എ- അഫ്ദലുൽ ഉലമ, അറബിക്, ഹിന്ദി, സംസ്കൃതം, ഇക്കണോമിക്സ്, നാനോ എന്റർപ്രണർഷിപ്പ്, ഫിലോസഫി, പൊളിറ്റിക്കൽ സയൻസ്, സൈക്കോളജി, ബി.സി.എ, ബി.എസ്‍സി-ഡാറ്റാ സയൻസ് ആൻഡ് അനലിറ്റിക്സ് വിഷയങ്ങളിലാണ് പ്രവേശനം. മൂന്ന് വർഷത്തിൽ ആറ് സെമസ്റ്ററുകളാണുണ്ടാവുക. 

ഹയർസെക്കൻഡറി/പ്ലസ് ടു/തത്തുല്യ​ പരീക്ഷ പാസായവർക്ക് അപേക്ഷിക്കാം. 

ALSO READ: അന്താരാഷ്ട്ര വിദ്യാര്‍ത്ഥികള്‍ക്കായി സ്‌കോളര്‍ഷിപ്പുകള്‍ പ്രഖ്യാപിച്ച് ഷാര്‍ജ അല്‍ ഖാസിമിയ സര്‍വകലാശാല 

പി.ജി പ്രോഗ്രാമുകൾ 

എം.എ-അറബിക്, ഇംഗ്ലീഷ്, ഹിന്ദി, മലയാളം, സംസ്കൃതം, ഇക്കണോമിക്സ്, ഹിസ്റ്ററി, ഫിലോസഫി, പൊളിറ്റിക്കൽ സയൻസ്, പബ്ലിക് അഡ്മിനിസ്ട്രേഷൻ, സോഷ്യോളജി, എം.കോം കോഴ്സുകളാണുള്ളത്. രണ്ട് വർഷത്തിൽ നാല് സെമസ്റ്ററുകൾ ഉണ്ടായിരിക്കും. 

അംഗീകൃത സർവകലാശാലാ ബിരുദ0 പൂര്‍ത്തിയാക്കിയവര്‍ക്ക് അപേക്ഷിക്കാം.

സർട്ടിഫിക്കറ്റ് പ്രോഗ്രാമുകൾ

ആറുമാസത്തേക്കാണ് കോഴ്സിന്റെ ദെെർഘ്യം. സർട്ടിഫൈഡ് സൈബർസെക്യൂരിറ്റി അനലിസ്റ്റ് (​ഐ.സി.ടി അക്കാദമിയോട് സഹകരിച്ച് നടത്തുന്ന കോഴ്സ്), അപ്ലൈഡ് മെഷ്യൻ ലേണിങ് (ടി.കെ.എം എൻജിനീയറിങ് കോളജുമായി സഹകരിച്ച് നടത്തുന്ന കോഴ്സ്), കമ്യൂണിക്കേഷൻ സ്കിൽസ് ഫൗണ്ടേഷൻ കോഴ്സ് ഫോർ ഐ.ഇ.എൽ.ടി.എസ് ആൻഡ് ഒ.ഇ.ടി (കേംബ്രിഡ്ജ് യൂനിവേഴ്സിറ്റി പ്രസുമായി സഹകരിച്ച് നടത്തുന്ന കോഴ്സ്).

അപേക്ഷ

അഡ്മിഷനുമായി ബന്ധപ്പെട്ട സമ​ഗ്ര വിവരങ്ങൾ www.sgou.ac.in ൽ ലഭ്യമാണ്. പ്രോഗ്രാം ഫീസ്, റീജനൽ/ലേണേഴ്സ് സപ്പോർട്ട് സെന്ററുകൾ രജിസ്ട്രേഷനുള്ള മാർഗനിർദേശങ്ങൾ മുതലായ വിവരങ്ങൾ വെബ്സൈറ്റിൽ പ്രോസ്​പെക്ടസിൽ ലഭിക്കും. അന്വേഷണങ്ങൾക്ക് 9188909901, 918890902.  

കൂടുതല്‍ Education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Admissions Open In Sreenarayana guru open university for 2025-26 Academic Year. Students who have completed SSLC can apply for 3 or 4-year undergraduate UG courses and degree holders can apply for postgraduate PG programs.