കുന്നംകുളം: കേച്ചേരി തൃശൂര്‍ റോഡില്‍ പെട്രോള്‍ പമ്പിനു സമീപത്ത് സ്വകാര്യ ബസിനു പിന്നില്‍ ബൈക്കിടിച്ച് യുവാവിന് പരുക്കേറ്റു. ബൈക്ക് യാത്രക്കാരനായ മഴുവഞ്ചേരി ചൂണ്ടപുരയ്ക്കല്‍ മുരളിയുടെ മകന്‍ അരുണ്‍ (25) നാണ് പരുക്കേറ്റത്.
ഇയാളെ തൃശൂര്‍ വെസ്റ്റ്‌ഫോര്‍ട്ട് ഹൈടെക്ക് ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചക്ക് മൂന്നോടെയായിരുന്നു അപകടം.
കുന്നംകുളം ഭാഗത്തേക്ക് വരികയായിരുന്ന ബസിന് പുറകിലായി ബൈക്ക് ഇടിക്കുകയായിരുന്നു. റോഡിലേക്ക് തെറിച്ച് വീണ അരുണിനെ ആക്ട്‌സ് പ്രവര്‍ത്തകരാണ് ആശുപത്രിയിലെത്തിച്ചത്.