ജപ്പാനിലെ പൊതു തെരുവുകളിലൂടെയും സബ്‌വേ സ്റ്റേഷനുകളിലൂടെയും ഭീമാകാരമായ പാമ്പിന്റെ വേഷം ധരിച്ച് ഒരു ബ്രസീലിയന്‍ ഇന്‍ഫഌവന്‍സര്‍ സഞ്ചരിക്കുന്ന വിഡിയോ വൈറലായിരിക്കുയാണ്. ഇതിനെ ചിലര്‍ തമാശയോടെ കാണുകയും മറ്റു ചിലര്‍ വിമര്‍ശിക്കുകയും ചെയ്യുന്നുണ്ട്. ഇന്‍സ്റ്റഗ്രാമിലാണ് വിഡിയോ പങ്ക് വച്ചിരിക്കുന്നത്.

ജൂനിയര്‍ കാല്‍ഡെയ്‌റോ തന്റെ ശരീരം മുഴുവന്‍ മൂടുന്ന തരത്തിലുള്ള അനക്കോണ്ടയുടെ വേഷം ധരിച്ച് ഉരഗം ഇഴഞ്ഞുനീങ്ങുന്ന പോലെ അനുകരിക്കുകയാണ്. അതായത് പാമ്പ് ഇഴഞ്ഞു പോകുന്ന പോലെ പോവുകയാണ്. ദശലക്ഷക്കണക്കിനാളുകളാണ് ഈ വിഡിയോ കണ്ടിരിക്കുന്നത്. ഈ വിഡിയോ ജാപ്പനീസ് ഉപയോക്താക്കള്‍ക്കിടയില്‍ വ്യാപകമായ വിമര്‍ശനത്തിനും പ്രതിഷേധത്തിനും കാരണമായെന്നാണ് ഗേറ്റ്‌വേ ഹിസ്പാനിക് റിപോര്‍ട്ട് ചെയ്യുന്നത്.

സാംസ്‌കാരികമായ അനാദരവെന്നും പൊതുസുരക്ഷയെ പോലും ബാധിക്കുമെന്നും അശ്രദ്ധമായ അപകടപ്പെടുത്തുന്ന പ്രകോപനമെന്നുമൊക്കെയാണ് പറയുന്നത്. ചിലര്‍ നിയമനടപടികളും ആവശ്യപ്പെടുന്നുണ്ട്. സോഷ്യല്‍ മീഡിയ സ്വാധീനം പൊതുജനങ്ങളിലുണ്ടാക്കുന്ന വര്‍ധിച്ചുവരുന്ന സ്വാധീനവും ആശങ്കകളും ഈ സംഭവം ഉയര്‍ത്തിക്കാട്ടുന്നു. 

ALSO READ: ചിയ സീഡ് ഇങ്ങനെയൊന്നു മുഖത്തു പുരട്ടി നോക്കൂ... കാണാം തിളക്കം

എനിക്ക് ചിരിക്കാന്‍ മാത്രമേ അറിയൂ എന്ന അടിക്കുറിപ്പോടെയാണ് വിഡിയോ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്. കമന്റുകള്‍ നിരവധിയാണ്. ലോകത്ത് വിചിത്രമായ കാര്യങ്ങള്‍ ചെയ്യുന്ന ഏഷ്യക്കാരെ പോലും ഭയപ്പെടുത്തുന്നതാണ് ഇതെന്ന് വേറൊരു ഉപയോക്താവും പറഞ്ഞു. 

A video featuring Brazilian influencer Júnior Caldeirão dressed in a full-body anaconda costume, slithering like a snake through public streets and subway stations in Japan, has gone viral on Instagram.