റിയാദ്: സന്ദര്‍ശക വിസ കാലാവധി (Saudi Arabia Visit Visa deadline) അവസാനിച്ചതിനുശേഷവും ഇവിടെ തന്നെ തുടരുന്നവര്‍ക്ക് രാജ്യം വിടാന്‍ 30 ദിവസത്തെ ഗ്രേസ് പീരിയഡ് അനുവദിച്ച് സഊദി അറേബ്യ. ഇത്തരക്കാരുടെ വിസ കാലാവധി ഒരു മാസം നീട്ടി നല്‍കുമെന്ന് പാസ്‌പോര്‍ട്ട് ഡയറക്ടറേറ്റ് (General Directorate of Passports) അറിയിച്ചു. എല്ലാ വിഭാഗങ്ങളിലുമുള്ള സന്ദര്‍ശക വിസ ഉടമകളുടെ അന്തിമ പുറപ്പെടലിനുള്ള ഗ്രേസ് പിരീഡും നീട്ടിയതായി പാസ്‌പോര്‍ട്ട് ജനറല്‍ ഡയറക്ടറേറ്റ് അറിയിച്ചു.

പുതിയ 30 ദിവസത്തെ വിന്‍ഡോ ഹിജ്‌റ വര്‍ഷം 1447 സഫര്‍ ഒന്നിന് ആരംഭിക്കും. ഇത് സൗദി ചട്ടങ്ങള്‍ അനുസരിച്ച് ബാധകമായ ഫീസും പിഴയും അടയ്ക്കുന്നതിന് വ്യവസ്ഥാപിതമായതിനാല്‍, ഒരു മാസത്തേക്കു വിസ നീട്ടുന്നതിനുള്ള ഫീസും കാലാവധി കഴിഞ്ഞതിനുള്ള പിഴയും അടയ്ക്കണം. 

വിസ പുതുക്കിയാല്‍ 30 ദിവസത്തിനകം നിയമാനുസൃതം സഊദി വിടണം. സിംഗിള്‍, മള്‍ട്ടിപ്പിള്‍ എന്‍ട്രി വിസിറ്റ് വിസക്കാര്‍ക്കും ഈ ആനുകൂല്യം പ്രയോജനപ്പെടുത്താം. ആഭ്യന്തര മന്ത്രാലയത്തിന്റെ ഡിജിറ്റല്‍ പ്ലാറ്റ്‌ഫോമായ 'അബ്‌ഷെറില്‍' ലഭ്യമായ 'തവസുല്‍' സേവനം വഴിയാണ് ഇതിന് അപേക്ഷിക്കേണ്ടത്. വിസിറ്റ് വിസ സ്‌പോണ്‍സര്‍ ചെയ്തവര്‍ തന്നെയാണ് വിസ പുതുക്കാനും അപേക്ഷിക്കേണ്ടത്. 

രാജ്യത്ത് നിന്ന് നിയമപരമായി പുറപ്പെടുന്നത് ഉറപ്പാക്കുന്നതിനും കൂടുതല്‍ ശിക്ഷകള്‍ ഒഴിവാക്കുന്നതിനും നിര്‍ദ്ദിഷ്ട സമയപരിധിക്കുള്ളില്‍ പുതിയ ഇളവ് പ്രയോജനപ്പെടുത്തണമെന്ന് ഡയറക്ടറേറ്റ് അഭ്യര്‍ത്ഥിച്ചു.

ALSO READ: കുവൈത്തില്‍ ഡ്രൈവിങ് ലൈസന്‍സ് നിയമങ്ങളില്‍ ഭേദഗതി, ഇനി സ്വകാര്യ ലൈസന്‍സും

The General Directorate of Passports announced the extension of the grace period for the final departure of visit visa holders across all categories and designations.