ദുബൈ: 2025 ഒക്ടോബർ 28 മുതൽ, അബൂദബിയിൽ നിന്ന് സിറിയൻ തലസ്ഥാനമായ ദമാസ്കസിലേക്ക് പുതിയ സർവിസ് പ്രഖ്യാപിച്ച് എയർ അറേബ്യ. ആഴ്ചയിൽ മൂന്ന് സർവിസുകളാണുള്ളത്. ചൊവ്വ, വ്യാഴം, ശനി ദിവസങ്ങളിലായിരിക്കും സർവിസ് നടത്തുക. സായിദ് അന്താരാഷ്ട്ര വിമാനത്താവളത്തെ ഡമാസ്കസ് അന്താരാഷ്ട്ര വിമാനത്താവളവുമായി ഈ പുതിയ സർവിസ് ബന്ധിപ്പിക്കും.

എയർ അറേബ്യ, ഷാർജയിൽ നിന്നും ദമാസ്കസിലേക്കുള്ള നോൺ-സ്റ്റോപ്പ് വിമാനങ്ങൾ വഴി യുഎഇയെയും സിറിയയെയും ബന്ധിപ്പിക്കുന്നു. ഇപ്പോൾ അബൂദബി റൂട്ടും വിപുലീകരിക്കുന്നു. മിഡിൽ ഈസ്റ്റ്, വടക്കേ ആഫ്രിക്ക, ദക്ഷിണേഷ്യ എന്നിവിടങ്ങളിലെ 30-ലധികം ലക്ഷ്യസ്ഥാനങ്ങളിലേക്ക് സർവിസ നടത്തുന്ന ഈ വിമാനക്കമ്പനി, വിമാന ബന്ധം വർധിപ്പിക്കാനും വ്യാപാര-ടൂറിസം വളർച്ച പ്രോത്സാഹിപ്പിക്കാനുമുള്ള യുഎഇയുടെ ദർശനത്തെ പിന്തുണയ്ക്കുന്നതിന് പ്രതിജ്ഞാബദ്ധമാണ്.

ALSO READ: ദുബൈ വിസിറ്റ് വിസ റീഫണ്ട്: നിങ്ങളുടെ സെക്യൂരിറ്റി ഡെപ്പോസിറ്റ് എപ്പോൾ, എങ്ങനെ ക്ലെയിം ചെയ്യാം

ഉപഭോക്താക്കൾക്ക് എയർ അറേബ്യയുടെ വെബ്സൈറ്റിലൂടെയോ, കോൾ സെന്റർ വഴിയോ, ട്രാവൽ ഏജൻസികൾ മുഖേനയോ ടിക്കറ്റുകൾ ബുക്ക് ചെയ്യാവുന്നതാണ്. 

അതേസമയം, സൂപ്പർ സീറ്റ് സെയിൽ പ്രഖ്യാപിച്ചിരിക്കുകയാണ് എയർ അറേബ്യ. ഒക്ടോബർ 24 വരെയാകും സൂപ്പർ സീറ്റ് സെയിൽ വഴി ടിക്കറ്റ് ബുക്ക് ചെയ്യാനാവുക. ഒരു ദശലക്ഷം ടിക്കറ്റുകളാണ് ഈ സൂപ്പർ സീറ്റ് സെയിലിൽ എയർ അറേബ്യ വിൽക്കുന്നത്. 2026 ഫെബ്രുവരി 17-നും ഒക്ടോബർ 24-നും ഇടയിലുള്ള കാലയളവിലെ ടിക്കറ്റുകളാണ് ഇപ്പോൾ ബുക്ക് ചെയ്യാനാവുക.

ALSO READ: സന്ദർശനത്തിനായി ഷെയ്ഖ് മുഹമ്മദ് കുവൈത്തിൽ; എയർപോർട്ടിലെത്തി സ്വീകരിച്ച് അമീർ

യുഎഇ, മൊറോക്കോ, ഈജിപ്ത് എന്നിവിടങ്ങളിലെ അഞ്ച് പ്രധാന ഹബ്ബുകളിൽ നിന്ന് 200-ലധികം റൂട്ടുകളിൽ സർവിസ് നടത്തുന്ന എയർ അറേബ്യ പ്രവാസികൾക്ക് ഏറ്റവും പ്രിയപ്പെട്ട എയർലൈനുകളിൽ ഒന്നാണ്. 

സുഖസൗകര്യങ്ങളിലോ വിശ്വാസ്യതയിലോ വിട്ടുവീഴ്ച ചെയ്യാതെ പ്രവാസികൾക്ക് താങ്ങാനാവുന്ന വിലയിൽ ടിക്കറ്റ് പ്രദാനം ചെയ്യുന്ന എയർ അറേബ്യ മിഡിൽ ഈസ്റ്റിലെ തന്നെ മികച്ച എയർലൈനുകളിൽ ഒന്നാണ്. ജർമ്മനി, ചെക്ക് റിപ്പബ്ലിക്, തുർക്കി, ഈജിപ്ത്, ഇറ്റലി, പോളണ്ട്, ഗ്രീസ്, റഷ്യ, ഓസ്ട്രിയ, അസർബൈജാൻ തുടങ്ങിയ സ്ഥലങ്ങളെയും ജിസിസിയിലെ പ്രധാന ന​ഗരങ്ങളായ ദോഹ, ജിദ്ദ, അമ്മാൻ എന്നിവിടങ്ങളിലേക്കും എയർ അറേബ്യ സർവിസ് നടത്തുന്നുന്നുണ്ട്.

Air Arabia Abu Dhabi has announced the launch of its new non-stop flights from Abu Dhabi to Damascus, starting October 28, 2025. The airline will operate three weekly flights every Tuesday, Thursday, and Saturday, connecting Zayed International Airport with Damascus International Airport.