മൂന്നാര്‍: കേരളത്തിലെ പ്രധാന വിനോദസഞ്ചാര കേന്ദ്രമായ മൂന്നാറില്‍ ശൈത്യകാല സീസണില്‍ വിനോദ സഞ്ചാരികളുടെ വരവ് മുന്‍വര്‍ഷങ്ങളെ അപേക്ഷിച്ച് കുറവ്. സഞ്ചാരികളുടെ വരവില്‍ഇത്തവണ 30 മുതല്‍ 50 ശതമാനം വരെ കുറവുണ്ടെന്നാണ് കണക്കുകള്‍. സെപ്റ്റംബര്‍ പകുതി മുതല്‍ ജനുവരി പകുതി വരെ നീളുന്നതാണ് മൂന്നാറിലെ ശൈത്യകാല സീസണ്‍.

മുന്‍വര്‍ഷത്തെ അപേക്ഷിച്ച് ഇത്തവണ ഡിസംബര്‍ ആദ്യവാരമായിട്ടും മഴക്കാലം മാറാത്തത്, വിനോദ സഞ്ചാരികള്‍ക്ക് നേരെയുണ്ടായ ആക്രമണങ്ങള്‍, ഓണ്‍ലൈന്‍ ടാക്സി വാഹന വാര്‍ത്തകള്‍ തുടങ്ങിയ നെഗറ്റീവ് സംഭവങ്ങള്‍, ദേശീയപാതയിലെ നിര്‍മാണം മൂലമുള്ള ഗതാഗതക്കുരുക്കുകള്‍ എന്നിവയാണ് ഇത്തവണ ഈ സീസണില്‍ സഞ്ചാരികളുടെ വരവ് കുറയാന്‍ കാരണമെന്നാണ് വിനോദ സഞ്ചാര മേഖലയിലുള്ളവര്‍ പറയുന്നത്.

ALSO READ: പെള്ളുന്ന ടിക്കറ്റ് നിരക്ക്; വകവയ്ക്കാതെ തെരഞ്ഞെടുപ്പ് ചൂടിലേക്ക് പറന്നിറങ്ങി പ്രവാസികൾ

സഞ്ചാരികളില്ലാതായതോടെ പ്രധാന വിനോദ സഞ്ചാര കേന്ദ്രങ്ങളായ രാജമല, മാട്ടുപ്പെട്ടി, ബ്ലോസം പാര്‍ക്ക് എന്നിവിടങ്ങളിലെ വരുമാനത്തിലും വന്‍ കുറവാണുണ്ടായത്. 

മഴക്കാലത്തെ ദീര്‍ഘമായ ഇടവേളയ്ക്ക് ശേഷം മേഖലയില്‍ സഞ്ചാരികള്‍ വന്നുതുടങ്ങിയിരുന്നു. എന്നാല്‍ തുടര്‍ച്ചയായുണ്ടാവുന്ന അക്രമസംഭവങ്ങള്‍ കാരണം പലരും കുടുംബസമേതം മൂന്നാറിലെത്താന്‍ മടിക്കുകയാണ്. ഇത്തരം പ്രവര്‍ത്തനങ്ങള്‍ വിനോദസഞ്ചാര മേഖലയെ ആശ്രയിച്ച് ജീവിക്കുന്നവരെ മുഴുവന്‍ പ്രതിസന്ധിയിലാക്കിയിരിക്കുകയാണ്.

രാജമലയില്‍ കഴിഞ്ഞ വര്‍ഷം നവംബര്‍ മാസത്തില്‍ എല്ലാ ദിവസവും 2000 ത്തിലധികം സന്ദര്‍ശകരുണ്ടായിരുന്നു.എന്നാല്‍ ഇത്തവണ 1000 മുതല്‍ 1500 പേരാണ് ശരാശരി എല്ലാ ദിവസവുമെത്തിയത്. മാട്ടുപ്പെട്ടിയില്‍ കഴിഞ്ഞ വര്‍ഷം നവംബറില്‍ 1000 മുതല്‍ 1500 വരെ സഞ്ചാരികളെത്തിയിരുന്ന സ്ഥാനത്ത് ഇത്തവണ 500 നും 800 നും ഇടയിലായിരുന്നു സന്ദര്‍ശകരെത്തിയത്. പഴയ മൂന്നാര്‍ ബ്ലോസം പാര്‍ക്കിലും മുന്‍വര്‍ഷത്തെ അപേക്ഷിച്ച് 50 ശതമാനം സന്ദര്‍ശകര്‍ ഇത്തവണ കുറവായിരുന്നു. ഡിസംബര്‍ 15 മുതല്‍ ജനുവരി 10 വരെ സഞ്ചാരികളുടെ തിരക്ക് ഉണ്ടാകുമെന്ന പ്രതീക്ഷയിലാണ് മൂന്നാറിലെ വിനോദസഞ്ചാര മേഖലയെ ആശ്രയിച്ചു കഴിയുന്നവരുടെ പ്രതീക്ഷ.

Despite the arrival of the winter tourism season, Munnar is witnessing a significant drop in tourist arrivals compared to previous years. Reports indicate a 30–50% decline in visitors during what is usually one of the most active tourism periods—from mid-September to mid-January.