തിരുവനന്തപുരം: തിരുവനന്തപുരം ജനറല്‍ ആശുപത്രിക്ക് സമീപം അമിതവേഗത്തില്‍ എത്തിയ കാര്‍ ഫൂട്ട്പാത്തിലേക്ക് ഇടിച്ചുകയറി അഞ്ച് പേര്‍ക്ക് പരുക്കേറ്റു. കാറിടിച്ച് രണ്ട് ഓട്ടോ ഡ്രൈവര്‍മാര്‍ക്കും വഴിയാത്രക്കാരായ രണ്ടു പേര്‍ക്കും ഗുരുതരമായി പരുക്കേറ്റു. സുരേന്ദ്രന്‍ കാട്ടാക്കട, കുമാര്‍ ആയിരുപ്പാറ, ഷാഫി എന്നിവര്‍ക്കാണ് പരുക്കേറ്റത്. നാലുപേരെയും മെഡിക്കല്‍ കോളേജില്‍ പ്രവേശിപ്പിച്ചു.

ALSO READ: 'സുരേഷ് ഗോപിയെ കാണ്മാനില്ല' പരാതി നല്‍കി കെ.എസ്.യു തൃശൂര്‍ ജില്ലാ പ്രസിഡന്റ് 

വട്ടിയൂര്‍ക്കാവ് സ്വദേശിയായ എകെ വിഷ്ണുനാഥാണ് കാര്‍ ഓടിച്ചിരുന്നത്. കാറില്‍ ഇയാളും മറ്റൊരാളുമാണ് ഉണ്ടായിരുന്നത്. ഇവര്‍ക്ക് പരുക്കേറ്റിട്ടില്ല. നിയന്ത്രണം വിട്ട കാര്‍ രണ്ട് ഓട്ടോറിക്ഷയിലും ശേഷം ഫൂട്ട്പാത്തിലേക്കും ഇടിച്ചുകയറുകയായിരുന്നു. കാര്‍ ഡ്രൈവര്‍ വിഷ്ണുനാഥിനെ പൊലിസ് കസ്റ്റഡിയില്‍ എടുത്തിട്ടുണ്ട്. കാര്‍ അമിത വേഗതയിലായിരുന്നുവെന്ന് സംഭവസമയത്ത് സ്ഥലത്ത് ഉണ്ടായിരുന്നവര്‍ പറഞ്ഞു. ബ്രേക്കിനു പകരം ആക്‌സിലേറ്റര്‍ ചവിട്ടിയതാണ് അപകട കാരണമെന്നാണ് വിവരം.