പാലക്കാട്: വിദ്യാര്‍ത്ഥിനിക്കുനേരെ കെ.എസ്.ആര്‍.ടി.സി ബസ്സില്‍ അതിക്രമം നടത്തിയ ബസ് കണ്ടക്ടര്‍ പൊലിസ് കസ്റ്റഡിയില്‍. പെണ്‍കുട്ടിയുടെ പരാതിയില്‍ ഒറ്റപ്പാലം പൊലിസ് കേസെടുത്തു. 

കഴിഞ്ഞ ദിവസം രാത്രി കോയമ്പത്തൂരില്‍ നിന്നും ഗുരുവായൂരിലേക്ക് പോകുന്ന കെ.എസ്.ആര്‍.ടി.സി ബസ്സിലാണ് സംഭവം. ഗുരുവായൂര്‍ സ്വദേശിനിയായ യുവതിക്ക് നേരെയാണ് അതിക്രമം ഉണ്ടായത്.

 ALSO READ: തിരുവനന്തപുരത്ത് ക്രൂര കൊലപാതകം; മരുമകൻ അമ്മാവനെ തല്ലിക്കൊന്നു, പ്രതി പിടിയിൽ

കണ്ടക്ടര്‍ പെണ്‍കുട്ടിയുടെ അടുത്ത് വന്നിരുന്ന് മോശമായി പെരുമാറുകയായിരുന്നു. പെണ്‍കുട്ടി പൊലീസിന്റെ ഔദ്യോഗിക നമ്പറില്‍ വിളിച്ചു പരാതിപ്പെടുകയായിരുന്നു. രാത്രി ഏഴ് മണിയോടെ ഈസ്റ്റ് ഒറ്റപ്പാലത്ത് വെച്ചാണ് അതിക്രമം ഉണ്ടായതെന്നാണ് പൊലീസ് പറയുന്നത്. സംഭവത്തില്‍ പൊലീസ് കേസെടുത്ത് അന്വേഷണം തുടങ്ങി. കണ്ടക്ടറെ ചോദ്യം ചെയ്തു വരികയാണ്.