സ്വര്‍ണവില സര്‍വ്വകാല റെക്കോര്‍ഡില്‍. ഇന്നലത്തെ ചെറിയ കിതപ്പിന് ശേഷം വീണ്ടും സ്വര്‍ണ വില കുതിപ്പ് തുടര്‍ന്ന് ലക്ഷത്തിലേക്ക്. ഇന്നത്തെ സ്വര്‍ണ വില ഇന്ന് ഒരു ഗ്രാമിന് 50 രൂപ വര്‍ദ്ധിച്ച് 11,390 രൂപയായി. ഒരു പവന് 400 രൂപ വര്‍ദ്ധിച്ച് 91,120 രൂപയായി. ഇന്നത്തെ വിലപ്രകാരം 10 ഗ്രാം സ്വര്‍ണം വാങ്ങാന്‍ 1,13,900 രൂപയാവുന്നു. 

ഇന്നലത്തെ സ്വര്‍ണവില

24 കാരറ്റ് സ്വര്‍ണം 

ഒരു ഗ്രാമിന് 12,426 രൂപ
പവന് 99,408 രൂപ

18 കാരറ്റ്

ഒരു ഗ്രാമിന് 9319 രൂപ
പവന് 74,552 രൂപ

സപ്തംബറില്‍ കൂടിയത് 11,840 രൂപ

11,840 രൂപയാണ് സ്വര്‍ണത്തിന് സെപ്തംബറില്‍ മാത്രം കൂടിയത്. സെപ്തംബര്‍ മാസം തുടക്കത്തില്‍ 77,640 രൂപയായിരുന്നു 22 കാരറ്റ് ഒരു പവന്‍ സ്വര്‍ണത്തിന്റെ വില. എന്നാല്‍, സെപ്തംബര്‍ 30ന് 86,760 രൂപയായി.

ഒക്ടോബര്‍ മാസത്തിലും ഇതേ വര്‍ധന തുടരുകയാണ്. ഒക്ടോബര്‍ 1ന് രാവിലെ 87,000 രൂപയിലാണ് വ്യാപാരം ആരംഭിച്ചത്. പിന്നീട് കുതിപ്പായിരുന്നു. അതിനിടക്ക് നേരിയ കുറവും രേഖപ്പെടുത്തി. ഒക്ടോബര്‍ 3ന് രാവിലെ രേഖപ്പെടുത്തിയ 86,560 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. ഓരോ ദിവസവും പുതിയ റെക്കോര്‍ഡുകള്‍ തീര്‍ത്താണ് ഒക്ടോബര്‍ മുന്നേറുന്നത്.