ടിയാൻജിൻ: ചൈനയിലെ ടിയാൻജിൻ നഗരത്തിൽ നടക്കുന്ന ഷാങ്ഹായ് കോ ഓപ്പറേഷൻ ഓർഗനൈസേഷൻ (എസ്‌സിഒ) ഉച്ചകോടിയുടെ വേദിയിൽ പരസ്പരം സ്നേഹം പ്രകടിപ്പിച്ച് പ്രധാനമന്ത്രി നരേന്ദ്ര മോദിയും റഷ്യൻ പ്രസിഡന്റ് വ്ലാഡിമിർ പുടിനും. ഉച്ചകോടിയുടെ ഔപചാരിക നടപടികൾക്കു ശേഷം ഇരു നേതാക്കളും ഒരുമിച്ച് ഒരു കാറിൽ സഞ്ചരിച്ച് ഉഭയകക്ഷി ചർച്ചയുടെ വേദിയിലെത്തിയതും കൗതുകമായി. 

റഷ്യയിൽ നിന്നുള്ള എണ്ണ വ്യാപാരത്തെക്കുറിച്ചുള്ള അമേരിക്കയുടെ വിമർശനങ്ങളുടെ പശ്ചാത്തലത്തിലാണ് ഇരു നേതാക്കളുടെയും നീക്കം ശ്രദ്ധേയമാകുന്നത്. റഷ്യയിൽ നിന്ന് എണ്ണ വാങ്ങുന്നതിലൂടെ ഇന്ത്യ, യുക്രെയിൻ യുദ്ധത്തിന് ധനസഹായം നൽകുന്നുവെന്നാണ് ട്രംപിന്റെ ആരോപണം. ഇതിന്റെ പ്രതികാരമായി അമേരിക്ക ഇന്ത്യൻ ഉൽപ്പന്നങ്ങൾക്ക് 50 ശതമാനം തീരുവയാണ് ചുമത്തിയത്. എന്നാൽ, ഈ സമ്മർദങ്ങൾക്കിടയിലും ഇന്ത്യ റഷ്യയുമായുള്ള എണ്ണ വ്യാപാരം തുടരുകയും ഇത് 17 ബില്യൺ ഡോളറിന്റെ ലാഭമുണ്ടാക്കിയെന്നും റിപ്പോർട്ടുകൾ ചൂണ്ടിക്കാട്ടുന്നു.

ALSO READ: ചെയ്യാത്ത തെറ്റിന് ജയിലിൽ കിടന്നത് 16 വർഷം, കുറ്റവിമുക്തനായി വിധി വന്നത് മരിച്ച് 4 വ‍ർഷത്തിന് ശേഷം; ഖബറിനരികെ എത്തി വിധി വായിച്ച് ബന്ധുക്കൾ

എസ്‌സിഒ ഉച്ചകോടിയുടെ പ്രധാന പരിപാടികൾ അവസാനിച്ചതിനു പിന്നാലെയായിരുന്നു പുട്ടിൻ, തന്റെ കാറിൽ മോദിയോടൊപ്പം യാത്ര ചെയ്യാൻ ആഗ്രഹം പ്രകടിപ്പിച്ചത്. ഇരുവരും റഷ്യൻ നിർമിത അവുറസ് സെഡാനിൽ യാത്രയാരംഭിക്കുകയും ചെയ്തു. വിവിധ വിഷയങ്ങളെക്കുറിച്ച് ചർച്ച ചെയ്തുകൊണ്ട് ഒരുമിച്ചാണ് വേദിയിലെത്തിയത്. കാറിനുള്ളിൽ 45 മിനിറ്റ് അനൗപചാരിക സംഭാഷണം തുടർന്നതായും റിപ്പോർട്ട് സൂചിപ്പിക്കുന്നു. 

"പ്രസിഡന്റ് പുട്ടിനുമായുള്ള സംഭാഷണങ്ങൾ എപ്പോഴും ഉൾക്കാഴ്ച നൽകുന്നതാണ്," എന്ന് മോദി എക്സിൽ (മുൻ ട്വിറ്റർ) പോസ്റ്റ് ചെയ്ത ചിത്രത്തോടൊപ്പം കുറിച്ചു. ഉച്ചകോടിയിൽ ചൈനീസ് പ്രസിഡന്റ് ഷി ജിൻപിങ്ങുമായും മോദി അനൗപചാരിക ചർച്ച നടത്തി. 

ഇന്ത്യ-റഷ്യ ബന്ധത്തിന്റെ ശക്തി ലോകത്തിനു മുന്നിൽ പ്രകടമാക്കുന്ന നീക്കമായാണ് ഇത് വിലയിരുത്തപ്പെടുന്നത്.  എസ്‌സിഒ ഉച്ചകോടി 2025ൽ ചൈനയുടെ വടക്കൻ തുറമുഖനഗരമായ ടിയാൻജിനിലാണ് നടക്കുന്നത്, ഡസൻ കണക്കിന് ലോക നേതാക്കളാണ്  പങ്കെടുക്കുന്നത്. ഇന്ത്യ-റഷ്യ-ചൈന ത്രിരാഷ്ട്ര ബന്ധം ശക്തിപ്പെടുത്തുന്നതിനുള്ള വേദിയായും ഇത് മാറി.

ALSO READ: ഹോണ്ടയുടെ ഈ സ്കൂട്ടർ മറ്റ് കമ്പനികളെക്കാൾ ബഹുദൂരം മുന്നിൽ; ഒറ്റ മാസം വിറ്റഴിച്ചത് 2 ലക്ഷത്തിലധികം യൂണിറ്റുകൾ

In a show of solidarity, PM Narendra Modi and President Vladimir Putin shared a car ride during the SCO summit in Tianjin, China, amid US criticism of India’s Russian oil trade. The leaders held a 45-minute informal discussion, reinforcing India’s commitment to continued energy ties with Russia despite American tariffs