കോട്ടയം: സ്വകാര്യ ബാറ്ററി നിര്‍മാണ യൂനിറ്റിന് നികുതിയിളവ് നല്‍കിയെന്ന കേസില്‍ കെ.എം മാണിയെ വിജിലന്‍സ് ഉടന്‍ ചോദ്യം ചെയ്‌തേക്കും. കെ.എം മാണിയില്‍ നിന്ന് മുന്‍കൂട്ടി സമയം തേടിയശേഷമാകും ചോദ്യം ചെയ്യല്‍ നടത്തുക. ഇതിനായി പ്രത്യേക ചോദ്യാവലി തയാറാക്കും. കേസിലെ പരാതിക്കാന്‍ പാലാ കീഴതടിയൂര്‍ ബാങ്ക് പ്രസിഡന്റ് ജോര്‍ജ് സി കാപ്പന്റെ മൊഴി വിജിലന്‍സ് ഇന്നലെ രേഖപ്പെടുത്തി. നികുതിയിളവിലൂടെ കെ.എം മാണി കോടികളുടെ സാമ്പത്തിക നേട്ടം സ്വന്തമാക്കിയതായി അദ്ദേഹം ആരോപിച്ചു. 1965നുശേഷം കെ.എം മാണിയുടെ സ്വത്ത് വിവരം വിശദമായി അന്വേഷിക്കണമെന്നും ജോര്‍ജ് സി കാപ്പന്‍ ആവശ്യപ്പെട്ടു.