അബൂദബി: 95ാം സഊദി ദേശീയദിനത്തിൽ സഊദി രാജാവ് സൽമാൻ ബിൻ അബ്ദുൽ അസീസ് അൽ സൗദിനും, കിരീടാവകാശി മുഹമ്മദ് ബിൻ സൽമാനും, സഊദി ജനതയ്ക്കും ആശംസകൾ നേർന്ന് യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ.

"പുണ്യനഗരങ്ങളുടെ സംരക്ഷകനായ രാജാവ് സൽമാൻ ബിൻ അബ്ദുൽ അസീസിനും കിരീടാവകാശി മുഹമ്മദ് ബിൻ സൽമാനും സഊദി ജനതയ്ക്കും 95-ാം ദേശീയ ദിന ആശംസകൾ. നമ്മുടെ രാഷ്ട്രങ്ങളും ജനതകളും തമ്മിൽ സഹകരണത്തിന്റെയും സൗഹൃദത്തിന്റെയും ശക്തമായ ബന്ധം നിലനിൽക്കുന്നു. സഊദി അറേബ്യയ്ക്ക് വളർച്ചയും സമൃദ്ധിയും നേരുന്നു," പ്രസിഡന്റ് തന്റെ എക്സ് അക്കൗണ്ടിൽ കുറിച്ചു.

ALSO READ: അബൂദബിയിലെ സ്കൂളുകളിൽ പുതിയ ഗതാഗത നയം: 15 വയസ്സിന് താഴെയുള്ള കുട്ടികൾക്ക് ഇനി മുതിർന്നവരുടെ സഹായമില്ലാതെ സ്കൂളിൽ നിന്ന് പുറത്തുപോകാൻ അനുവാദമില്ല

യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മക്തൂമും സഊദി ദേശീയ ദിനത്തിൽ സഊദി നേതൃത്വത്തിന് ആശംസകൾ നേർന്നു.

"എന്റെ സഹോദരനും, പുണ്യനഗരങ്ങളുടെ സംരക്ഷകനുമായ രാജാവ് സൽമാൻ ബിൻ അബ്ദുൽ അസീസിനും, എന്റെ സഹോദരൻ ഹിസ് ഹൈനസ് കിരീടാവകാശി മുഹമ്മദ് ബിൻ സൽമാനും, സഊദി ജനതയ്ക്കും 95-ാം ദേശീയ ദിന ആശംസകൾ. ദൈവം അവർക്ക് ഐശ്വര്യവും സമൃദ്ധിയും നൽകട്ടെ," ശൈഖ് മുഹമ്മദ് ബിൻ റാഷിദ് തന്റെ എക്സ് അക്കൗണ്ടിൽ പോസ്റ്റ് ചെയ്തു.

UAE President Sheikh Mohamed bin Zayed Al Nahyan extended his warm congratulations to Saudi Arabia's King Salman bin Abdulaziz Al Saud, Crown Prince Mohammed bin Salman, and the Saudi people on the Kingdom's 95th National Day. The President wished the Kingdom continued prosperity and growth, highlighting the enduring bonds of cooperation and friendship between the two nations.