നിലവിൽ ലോകഫുട്ബോളിൽ ഏറ്റവും മികച്ച യുവതാരങ്ങളിൽ ഒരാളാണ് സ്പാനിഷ് യുവതാരം ലാമിൻ യമാൽ. ഇതിഹാസ താരങ്ങളായ ലയണൽ മെസി, ക്രിസ്റ്റ്യാനോ റൊണാൾഡോ എന്നീ താരങ്ങളുമായി പല താരങ്ങളും പരിശീലകരും യമാലിനെ താരതമ്യം ചെയ്യുന്നുണ്ട്. ഇപ്പോൾ യമാലിനെ പ്രശംസിച്ചിരിക്കുകയാണ് ഇംഗ്ലണ്ട് ഇതിഹാസം വെയ്ൻ റൂണി. യമാലിന് മെസിയെയും റൊണാൾഡോയെയും മറികടക്കാൻ സാധിക്കുമെന്നാണ് റൂണി പറഞ്ഞത്. 

''അവൻ അവിശ്വസനീയനാണ്. ഞാൻ അവനെ ഒരു തവണ മാത്രമേ നേരിട്ട് കണ്ടിട്ടുള്ളൂ. ക്രിസ്റ്റ്യാനോ റൊണാൾഡോയെയും ലയണൽ മെസിയെയും മറികടക്കാൻ സാധിക്കുന്ന ഒരാളാണ് അദ്ദേഹമെന്ന് ഞാൻ കരുതുന്നു. അവൻ ഇപ്പോൾ നടത്തുന്ന പ്രകടനങ്ങൾ തുടർന്നാൽ അവൻ ആ സ്ഥാനങ്ങളിൽ എത്തും. മറ്റെല്ലാ താരങ്ങളെക്കാളും മികച്ചവൻ അവനാണ്. കരിയറിന്റെ ഈ ഘട്ടത്തിൽ അവൻ മെസിയെക്കാളും റൊണാൾഡോയെക്കാളും ഒരുപാട് മൈലുകൾ മുന്നിലാണ്'' റൂണി റിയോ ഫെർഡിനാൻഡ് പ്രസന്റ്റ്സ് എന്ന യൂട്യൂബ് ചാനലിന് നൽകിയ അഭിമുഖത്തിൽ പറഞ്ഞു. 

ബാഴ്സലോണക്ക് വേണ്ടി ഇതിനോടകം തന്നെ തകർപ്പൻ പ്രകടനമാണ് യമാൽ പുറത്തെടുത്തുകൊണ്ടിരിക്കുന്നത്. ബാഴ്സയ്ക്ക് വേണ്ടി ഇതുവരെ 109 മത്സരങ്ങളിൽ നിന്നും 27 ഗോളുകളും 37 അസിസ്റ്റുകളും ആണ് നേടിയിട്ടുള്ളത്. തന്റെ പതിനഞ്ചാം വയസ്സിലായിരുന്നു കറ്റാലൻമാർക്ക് വേണ്ടി യമാൽ ആദ്യമായി ബൂട്ട് കെട്ടിയത്. രാജ്യാന്തര തലത്തിൽ സ്പാനിഷ് ടീമിന് വേണ്ടിയും ശ്രദ്ധേയമായ പ്രകടനങ്ങൾ പുറത്തെടുക്കാൻ യമാലിന് സാധിച്ചിട്ടുണ്ട്. സ്പാനിഷ് ടീമിനൊപ്പം 2024 യൂറോ കപ്പ് സ്വന്തമാക്കാനും ലാമിന് സാധിച്ചിട്ടുണ്ട്. സ്പാനിഷ് ടീമിനായി 23 മത്സരങ്ങളിൽ നിന്നും ആറ് ഗോളുകളും 12 അസിസ്റ്റുകളും താരം സ്വന്തമാക്കിയിട്ടുണ്ട്. 

അതേസമയം ഫുട്ബോൾ ചരിത്രത്തിലെ എക്കാലത്തെയും മികച്ച താരം ആരാണെന്ന ചോദ്യത്തിന് മറുപടി  ലാമിൻ യമാൽ മറുപടി നൽകിയിരുന്നു. റൊണാൾഡോയെ മറികടന്ന് ലയണൽ മെസിയെയാണ് യമാൽ ഏറ്റവും മികച്ച താരമെന്ന് വിശേഷിപ്പിച്ചത്. ബാഴ്സ യൂണിവേഴ്സലിന് നൽകിയ അഭിമുഖത്തിലാണ് യമാൽ ഇക്കാര്യം വെളിപ്പെടുത്തിയത്. 

''മെസി ചരിത്രത്തിലെ ഏറ്റവും മികച്ച കളിക്കാരനാണ്. അദ്ദേഹം മൈതാനത്ത് ഉടനീളം ചെയ്തതെല്ലാം കളിക്കുന്ന രീതികൾ എല്ലാം എനിക്ക്  ഇഷ്ടപ്പെട്ടു. ഇതെല്ലം ശരിക്കും മനോഹരമായ ഒന്നായിരുന്നു" ലാമിൻ യമാൽ പറഞ്ഞു. 

Spanish youngster Lamine Yamal is currently one of the best young players in world football. Now, England legend Wayne Rooney has praised Yamal. Rooney said that Yamal can surpass Messi and Ronaldo.