റിയാദ്: ശാസ്ത്ര ഗവേഷണത്തിന് നൽകിയ അചഞ്ചലമായ പിന്തുണയ്ക്ക് സഊദി ഭരണകൂടത്തിന് നന്ദി അറിയിച്ച് 2025-ലെ രസതന്ത്ര നോബൽ ജേതാവായ സഊദി/പലസ്തീൻ ശാസ്ത്രജ്ഞൻ പ്രൊഫസർ ഒമർ യാഗി.

യാഗി തന്റെ ശാസ്ത്ര യാത്രയ്ക്ക് നൽകിയ നിരന്തര പ്രോത്സാഹനത്തിന് സഊദി കിരീടാവകാശി മുഹമ്മദ് ബിൻ സൽമാനോട് യാ​ഗി നന്ദി പറഞ്ഞതായി സഊദി പ്രസ് ഏജൻസി (SPA) പ്രസ്താവനയിൽ വ്യക്തമാക്കി. ഈ നേട്ടം സ്വന്തമാക്കുന്നതിൽ അദ്ദേഹത്തിന്റെ പിന്തുണ നിർണായക പങ്ക് വഹിച്ചുവെന്ന് യാഗി പറഞ്ഞു.

ALSO READ: താമസ, തൊഴിൽ നിയമങ്ങളുടെ ലംഘനം; സഊദിയില്‍ ഒരാഴ്ചക്കിടെ അറസ്റ്റിലായത് 21,403 പേര്‍

കെ‌എ‌സി‌എസ്‌ടി-യു‌സി ബെർക്ക്‌ലി സെന്റർ ഓഫ് എക്‌സലൻസിലൂടെ നൽകി വന്ന ദീർഘകാല പിന്തുണയ്ക്ക് കിംഗ് അബ്ദുൽ അസീസ് സിറ്റി ഫോർ സയൻസ് ആൻഡ് ടെക്‌നോളജി (കെ‌എ‌സി‌എസ്‌ടി)യെയും യാഗി പ്രശംസിച്ചു. ഇത് തന്റെ വിജയത്തിന് സഹായിച്ചെന്നും അദ്ദേഹം വ്യക്തമാക്കി.

“ഈ അവാർഡ് ലഭിക്കുന്നത് എനിക്കും ലോകമെമ്പാടുമുള്ള എല്ലാ സഊദി, അറബ് ശാസ്ത്രജ്ഞർക്കും വലിയ ബഹുമതിയാണ്,” യാ​ഗി പറഞ്ഞതായി SPA റിപ്പോർട്ട് ചെയ്തു. 

“തന്റെ ഈ നേട്ടം സഊദി, അറബ് യുവതലമുറയെ ഗവേഷണത്തിലും നവീകരണത്തിലും മികവ് പുലർത്താൻ പ്രചോദിപ്പിക്കുമെന്ന് പ്രതീക്ഷിക്കുന്നു.” എന്നും അദ്ദേഹം കൂട്ടിച്ചേർത്തു. 

ALSO READ: ഖത്തർ: ചൊവ്വാഴ്ച വരെ മഴക്ക് സാധ്യതയെന്ന് കാലാവസ്ഥാ വകുപ്പ്

റെറ്റിക്യുലർ കെമിസ്ട്രിയിലെ പ്രവർത്തനങ്ങളാണ് അദ്ദേഹത്തിന് 2025ലെ രസതന്ത്രത്തിനുള്ള നോബൽ സമ്മാനം നേടിക്കൊടുത്തത്. ഇതുവഴി, ഈ അം​ഗീകാരം നേടുന്ന ആദ്യ സഊദി പൗരനായി അദ്ദേഹം മാറി.

2025 ഒക്ടോബർ 8നാണ് റോയൽ സ്വീഡിഷ് അക്കാദമി ഓഫ് സയൻസസ് മൂന്ന് ശാസ്ത്രജ്ഞർക്ക് രസതന്ത്രത്തിനുള്ള നോബൽ സമ്മാനം പ്രഖ്യാപിച്ചത്. ഒമർ യാഗി, ജപ്പാനിലെ ക്യോട്ടോ യൂണിവേഴ്സിറ്റിയിലെ സുസുമു കിറ്റഗാവ, മെൽബൺ യൂണിവേഴ്സിറ്റിയിലെ റിച്ചാർഡ് റോബ്സൺ എന്നിവരാണ് 2025ലെ രസതന്ത്ര നോബൽ പങ്കിട്ടത്. 

Saudi/Palestinian scientist Professor Omar Yaghi, winner of the 2025 Nobel Prize in Chemistry, has expressed gratitude to the Kingdom's leadership for its unwavering support of scientific research and innovation. Yaghi thanked Crown Prince Mohammed bin Salman for his encouragement, which played a pivotal role in achieving this historic milestone.