വൃക്ക അഥവാ കിഡ്‌നി നമ്മുടെ ശരീരത്തിലെ പ്രധാനപ്പെട്ട അവയവങ്ങളിലൊന്നാണ്. ശരീരത്തിന്റെ ഫില്‍ട്ടര്‍ എന്നുവേണമെങ്കിലും നമുക്കിതിനെ വിശേഷിപ്പിക്കാം. ശരീരത്തിലെ വിഷാംശങ്ങളും അവശിഷ്ടങ്ങളും അധികമുള്ള ജലവും ലവണങ്ങളുമെല്ലാം നീക്കം ചെയ്യുന്ന പണിയും വൃക്കയ്ക്കാണ്. ശരീരത്തില്‍ ഉപ്പ്, പൊട്ടാസ്യം, കാല്‍സ്യം എന്നിവയുടെ ശരിയായ അളവു നിലനിര്‍ത്തുന്നതും വൃക്കകളാണ്.

എന്നാല്‍ വൃക്കകള്‍ പണി മുടക്കിയാല്‍ അത് ശരീരത്തെ മുഴുവനും ബാധിക്കുന്നതാണ്. രക്തത്തിലെ ആവശ്യമുള്ള പോഷകങ്ങളെ സ്വീകരിക്കുകയും മാലിന്യങ്ങളെയും ആവശ്യമില്ലാത്തവയെയും പുറന്തള്ളി രക്തം ശുദ്ധമായി സൂക്ഷിക്കുക എന്ന പ്രധാനപ്പെട്ട കാര്യമാണ് വൃക്കകള്‍ ചെയ്യുന്നത്.

അനാരോഗ്യകരമായ ജീവിതശൈലിയാല്‍ നമ്മുടെ വൃക്കകളുടെ പ്രവര്‍ത്തനം മന്ദഗതിയിലാവുകയും ക്രമേണ വൃക്ക തകരാറിലാകാനും കാരണമാകുന്നു. പ്രാരംഭ ലക്ഷണങ്ങള്‍ തിരിച്ചറിയാതെ പോവുകയാണെങ്കില്‍ വൃക്കരോഗങ്ങള്‍ ഗുരുതരമാവുകയും ചെയ്യും.

കണ്ണില്‍ നോക്കി വിലയിരുത്താം വൃക്കകളുടെ  പ്രവര്‍ത്തനത്തെ

ഒരാളുടെ കണ്ണുകള്‍ പരിശോധിച്ചാല്‍ അറിയാം അയാളുടെ വൃക്കകളുടെ പ്രവര്‍ത്തന ശേഷി മനസിലാക്കാന്‍ എന്നാണ് വിദഗ്ധര്‍ ചൂണ്ടിക്കാണിക്കുന്നത്. അതായത്, കണ്ണിന് താഴെ തുടര്‍ച്ചയായി വീക്കം ശ്രദ്ധയില്‍ പെട്ടാല്‍ അല്ലെങ്കില്‍ മങ്ങിയതോ ചുവന്നതോ ആയ കണ്ണുകളോ വരണ്ട കണ്ണുകളോ കാഴ്ചയിലെ മാറ്റങ്ങളോ ഒക്കെ ഇവയുടെ ലക്ഷണങ്ങളാവാം. 

കണ്ണുകള്‍ വീര്‍ത്തിരിക്കുക

ഉറങ്ങി എഴുന്നേറ്റ ശേഷം കണ്ണുകള്‍ വീര്‍ത്തിരിക്കുക സാധാരണയാണ്. എന്നാല്‍ ഉറക്കത്തിന്റെ ക്ഷീണം വിട്ട ശേഷവും കണ്ണുകള്‍ വീര്‍ത്തിരിക്കുന്നുണ്ടെങ്കില്‍ ശ്രദ്ധിക്കേണ്ടതുണ്ട്. ഇത് വൃക്കകളുടെ തകരാറുകളുടെ സൂചനയാകാവുന്നതാണ്.

അതായത് വൃക്കകള്‍ക്ക് കേടുപാടുകള്‍ സംഭവിക്കുമ്പോള്‍ മൂത്രത്തിലേക്ക് പ്രോട്ടീന്‍ ഒഴുകുന്ന അവസ്ഥയാണിതിന് കാരണം. പ്രോട്ടീനൂറിയ എന്നാണ് ഈ അവസ്ഥയെ പറയുക. പ്രോട്ടീന്‍ നഷ്ടപ്പെടുന്നതുമൂലം കണ്ണുകള്‍ക്ക് ചുറ്റുമുള്ള മൃദുവായ കലകളില്‍ ദ്രാവകം അടിഞ്ഞു കൂടുന്നു. ഇത്തരം ലക്ഷണങ്ങള്‍ ശ്രദ്ധയില്‍പ്പെട്ടാല്‍ അവയെ നിസാരമാക്കി തള്ളിക്കളയാതെ ആരോഗ്യവിദഗ്ധനെ എത്രയും പെട്ടെന്നു സമീപിക്കുക.

കാഴ്ചയ്ക്കു മങ്ങല്‍

കാഴ്ച മങ്ങുകയോ വസ്തുക്കളെ രണ്ടായി കാണുകയോ ചെയ്യുന്നത് റെറ്റിനയിലെ രക്തക്കുഴലുകളുടെ തകരാറു മൂലമാകാവുന്നതാണ്. ഉയര്‍ന്ന രക്തസമ്മര്‍ദവും പ്രമേഹവും വൃക്കരോഗങ്ങളിലേക്കും നയിച്ചേക്കാം. അവ റെറ്റിനയിലെ രക്തക്കുഴലുകളെ തകരാറിലാക്കുകയും ചെയ്യുന്നു.

വരണ്ടതായ കണ്ണുകള്‍

വൃക്കരോഗമുള്ളവരിലോ ഡയാലിസിസിന് വിധേയരാകുന്നവരിലോ വരണ്ട കണ്ണുകള്‍ സാധാരണയാണ്. എന്നാല്‍ വരണ്ടതോ ചെറിച്ചിലുള്ളതോ അസ്വസ്ഥതയുള്ളതോ ആയ കണ്ണുകള്‍ സ്ഥിരമായി കാണുകയാണെങ്കില്‍ അത് കാല്‍സ്യം, ഫോസ്‌ഫേറ്റ് തുടങ്ങിയ ധാതുക്കളുടെ അസന്തുലിതാവസ്ഥയോ കണ്ണുനീര്‍ ഉല്‍പാദനത്തെയും കണ്ണിലെ ലൂബ്രിക്കേഷനെയും ബാധിക്കുന്ന മാലിന്യങ്ങള്‍ അടിഞ്ഞുകൂടുന്നതോ ആവാം. ഇങ്ങനെയുള്ള സാഹചര്യങ്ങളില്‍ കൃത്യമായ രോഗനിര്‍ണയം നടത്തേണ്ടത് അത്യാവശ്യമാണ്.

 ALSO READ: നിസാരമായി കാണരുത്... വിറ്റാമിന്‍ ഡിയുടെ കുറവ് സപ്ലിമെന്റുകള്‍ ഇല്ലാതെ തന്നെ പരിഹരിക്കാം- അതിനായി ഈ  രീതികള്‍ പിന്തുടര്‍ന്നാല്‍ മതി

ചുവന്ന നിറത്തിലുള്ള കണ്ണുകള്‍

വൃക്കകളെ ബാധിക്കുന്ന ലൂപ്പസ് നെഫ്രൈറ്റിസ് പോലുള്ള ഓട്ടോ ഇമ്മ്യൂണ്‍ അവസ്ഥകള്‍ കാരണം കണ്ണുകളില്‍ വീക്കം ഉണ്ടാക്കാം. ഇത് കണ്ണുകള്‍ ചുവന്ന നിറത്തില്‍ കാണപ്പെടാം. സന്ധി വേദന, നീര്‍വീക്കം, ചര്‍മ്മത്തിലെ തിണര്‍പ്പ് തുടങ്ങിയ ലക്ഷണങ്ങളോടൊപ്പം കണ്ണിന് ചുവപ്പ് അനുഭവപ്പെടുകയാണെങ്കില്‍ ഉടന്‍തന്നെ ഡോക്ടറെ സമീപിക്കുക തന്നെ വേണം.

 നിറങ്ങളില്‍ ചിലതു കാണാന്‍ ബുദ്ധിമുട്ട്

വൃക്ക തകരാറുള്ള ചില ആളുകള്‍ക്ക് ചില നിറങ്ങള്‍ വേര്‍തിരിച്ചറിയുന്നതില്‍ ബുദ്ധിമുട്ട് കാണാം. പ്രത്യേകിച്ച് മഞ്ഞയും നീലയും. ഇത് ഒപ്റ്റിക് നാഡിക്ക് ഉണ്ടാകുന്ന കേടുപാടുകള്‍ മൂലമോ റെറ്റിനയിലെ മാറ്റങ്ങള്‍ മൂലമോ ആകാവുന്നതാണ്. കാഴ്ചയിലുണ്ടാകുന്ന ഈ വ്യത്യാസങ്ങള്‍ സാവധാനത്തിലായിരിക്കും അറിയുക. അതുകൊണ്ടുതന്നെ പലപ്പോഴും ഇത് നിസാരവല്‍ക്കരിക്കാറുമുണ്ട്.

The kidneys play a crucial role in filtering waste, excess fluids, and maintaining electrolyte balance in the body. But when kidney function begins to decline — often silently — it can show subtle signs in unexpected areas, like your eyes. Persistent puffiness around the eyes, dry or red eyes, and blurred vision may all indicate underlying kidney dysfunction. These symptoms are linked to protein leakage in the urine (proteinuria), a potential early warning sign of kidney damage. Ignoring these signs can lead to serious health complications. If you notice such changes, consult a healthcare professional promptly.