കാൺപൂർ: ഉത്തർപ്രദേശിലെ കാൺപൂരിൽ സ്വകാര്യ സ്കൂളിൽ  പിടിഎ മീറ്റിങ്ങിനെത്തിയ ബുർഖ ധരിച്ച രക്ഷിതാക്കളെ   തിരിച്ചയച്ച് അധികൃതർ. സെപ്റ്റംബർ 27-ന് ശനിയാഴ്ച ന്യൂ വിഷൻ ഇന്റർ കോളേജിൽ നടന്ന രക്ഷാകർതൃ-അധ്യാപക യോഗത്തിനിടെയാണ് നിഖാബ് ധരിച്ച രക്ഷിതാക്കളെ മീറ്റിം​ഗിന് അധികൃതർ പ്രവേശിപ്പിക്കാതിരുന്നത്.
 
പ്രവേശനത്തിന് മുമ്പ് തിരിച്ചറിയൽ ആവശ്യത്തിനായി ബുർഖയും നിഖാബും നീക്കം ചെയ്യണമെന്ന് സ്കൂൾ അധികൃതർ ആവശ്യപ്പെട്ടതായി രക്ഷിതാക്കൾ ആരോപിച്ചു. എന്നാൽ, ഇതിന് രക്ഷിതാക്കൾ തയാറാകാതെ വന്നതോടെ പ്രവേശനം നിഷേധിക്കുകയായിരുന്നു.  ഇതോടെ ചില രക്ഷിതാക്കൾ അധ്യാപകരുമായി വാദപ്രതിവാദത്തിൽ ഏർപ്പെട്ടു.

ALSO READ: ഓട്ടോയിൽ യാത്ര ചെയ്ത വയോധികന്റെ ഫോൺപേ ഉപയോ​ഗിച്ച് അക്കൗണ്ടിൽ നിന്ന് തട്ടിയെടുത്തത് 1.95 ലക്ഷം രൂപ; സഹയാത്രക്കാരെ പിടികൂടി പൊലിസ്  

" വിദ്യാർഥികളോട് യൂണിഫോം ധരിക്കാൻ സ്കൂൾ അധികൃതർക്ക് നിർദേശം നൽകാം, എന്നാൽ രക്ഷിതാക്കൾ എന്ത് വേഷം ധരിക്കണം എന്ന് നിശ്ചയിക്കാൻ അധികൃതർക്ക് അധികാരമില്ല, മൂന്ന് വർഷമായി ഞങ്ങളുടെ കുട്ടികളെ ഇവിടെ അയയ്ക്കുന്നു, ഇത്തരമൊരു സംഭവം ഇത് ആദ്യമാണ് " എന്ന് രക്ഷിതാവ് അധികൃതരോട് പറഞ്ഞു.

ALSO READ: പുതുച്ചേരിക്ക് സമീപം സ്കൂബ ഡൈവിം​ഗിനിടെ കടലിൽ മുങ്ങി താഴ്ന്ന് 26 കാരൻ; ജീവൻ രക്ഷിച്ചത് ആപ്പിൾ വാച്ച് അൾട്രാ

തർക്കം രൂക്ഷമായതോടെ ബുർഖ ധരിച്ചെത്തിയ രക്ഷിതാക്കളോട് സ്കൂൾ വളപ്പിന് പുറത്ത് കാത്തുനിൽക്കാനാണ് അധികൃതർ നിർദേശിച്ചത്.  ഒടുവിൽ രക്ഷിതാക്കൾ പിടിഎ യോ​ഗത്തിൽ പങ്കെടുക്കാതെ  മടങ്ങിപ്പോകുകയായിരുന്നു. പിടിഎ ഒരു ദിവസം മുമ്പ് രക്ഷിതാക്കളോട് ഇത്തരം വേഷം ധരിക്കാൻ പാടില്ല എന്ന് അറിയിച്ചിരുന്നതായാണ് സ്കൂൾ പ്രിൻസിപ്പൽ പറയുന്നത്. കുറച്ച് രക്ഷിതാക്കളാണ് യോഗം തടസ്സപ്പെടുത്തിയത് എന്നും പ്രിൻസിപ്പലിന്റെ വാദം.

ബഹളത്തെത്തുടർന്ന് സ്ഥിതിഗതികൾ നിയന്ത്രണവിധേയമാക്കാൻ പൊലിസിനെ വിളിക്കുകയും ഔദ്യോഗിക പരാതി രജിസ്റ്റർ ചെയ്തിട്ടില്ലെന്ന് പൊലിസ് അറിയിച്ചു. അതേസമയം ഇരുവിഭാഗവും സമാധാനപരമായി പിരിഞ്ഞതിനാൽ പൊലിസ് കമ്മീഷണർക്ക് റിപ്പോർട്ട് സമർപ്പിച്ചിരിക്കുകയാണ്. സംഭവം സാമൂഹിക മാധ്യമങ്ങളിലും വ്യാപക ചർച്ചയായി.

In Kanpur, Uttar Pradesh, a private school barred burqa-clad Muslim parents from attending a PTA meeting on September 27, sparking controversy. The school demanded removal of burqas and niqabs for identification, which many parents refused, leading to heated arguments. Some parents were forced to wait outside and eventually left. The principal claimed parents were informed politely in advance, but the meeting was disrupted. Police intervened to calm the situation, and no formal complaint was filed. The issue has raised concerns about religious freedom and Islamophobia.