മനാമ: ബഹ്‌റൈനിൽ പൊതുസ്ഥലത്ത് വച്ച് സംഘര്‍ഷത്തില്‍ ഏര്‍പ്പെട്ട ഏഷ്യന്‍ പ്രവാസികള്‍ പിടിയില്‍. സാമ്പത്തിക തര്‍ക്കമാണ് അറാദത്തിൽ ഉണ്ടായ അടിപിടിയുടെ കാരണം എന്നാണ് പ്രാഥമിക വിവരമെന്ന് ആഭ്യന്തര മന്ത്രാലയം സാമൂഹ്യ മാദ്ധ്യമമായ എക്‌സില്‍ അറിയിച്ചു.

വിവരം അറിഞ്ഞെത്തിയ മുഹറഖ് പോലീസ് ഡയറക്ടറേറ്റ് നിയമനടപടികള്‍ സ്വീകരിക്കുകയും പ്രവാസികളെ പബ്ലിക് പ്രോസിക്യൂഷന് കൈമാറുകയും ചെയ്തു. സംഘര്‍ഷത്തില്‍ പ്രദേശത്ത് നിര്‍ത്തിയിട്ടിരുന്ന ഒരു വാഹനത്തിന് കേടുപാടുകള്‍ സംഭവിച്ചു.

Asian expatriates arrested for engaging in a public clash in Arad.