തിരുവനന്തപുരം: ലോക്സഭാ പ്രതിപക്ഷ നേതാവ് രാഹുല്‍ഗാന്ധിക്കെതിരെ ബി.ജെ.പി വക്താവ് പ്രിന്റു മഹാദേവന്‍ ചാനല്‍ ചര്‍ച്ചയ്ക്കിടെ വധഭീഷണി മുഴക്കിയ സംഭവം സഭ നിര്‍ത്തിവച്ച് ചര്‍ച്ച ചെയ്യണമെന്ന കോണ്‍ഗ്രസ് ആവശ്യം തള്ളി സ്പീക്കര്‍ എ.എന്‍.ഷംസീര്‍ പിന്നാലെ സഭയില്‍ ബഹളം. പ്രധാന്യമില്ലാത്ത വിഷയമാണെന്നു ചൂണ്ടിക്കാട്ടിയാണ് സ്പീക്കര്‍ അടിയന്തരപ്രമേയ നോട്ടിസിന് അവതരണാനുമതി നിഷേധിച്ചത്.

ടിവി ചര്‍ച്ചയില്‍ ആരെങ്കിലും എന്തെങ്കിലും പറഞ്ഞാല്‍ അത് എങ്ങനെ ചര്‍ച്ച ചെയ്യുമെന്നും സ്പീക്കര്‍ ചോദിച്ചു. സണ്ണി ജോസഫിന് വിഷയം സബ്മിഷനായി ഉന്നയിക്കാമെന്നും സ്പീക്കര്‍ പറഞ്ഞു.  സ്പീക്കറുടെ പരാമര്‍ശത്തിനെതിരെ പ്രതിപക്ഷം നടുത്തളത്തില്‍ ഇറങ്ങി പ്രതിഷേധിച്ചു. ഭീഷണിപ്പെടുത്തിയ ആളെ സംരക്ഷിക്കാന്‍ സര്‍ക്കാര്‍ ശ്രമിക്കുകയാണെന്ന് പ്രതിപക്ഷനേതാവ് വി.ഡി സതീശന്‍ പറഞ്ഞു. പിന്നീട് പ്രതിപക്ഷം സഭ ബഹിഷ്‌കരിച്ചു. ബഹളത്തെ തുടര്‍ന്നു സഭ ഇന്നത്തേക്കു പിരിഞ്ഞു. 

ALSO READ: 'ജെൻ സി'യെ പരിഗണിക്കാൻ വിദ്യാഭ്യാസ വകുപ്പ്; ബിരുദ, ബിരുദാനന്തര പരീക്ഷകൾ ഓൺലൈനിലേക്ക്

26ന് നടന്ന ചാനല്‍ ചര്‍ച്ചയില്‍ രാഹുല്‍ ഗാന്ധിക്കെതിരെ പരാമര്‍ശമുണ്ടായിട്ടും ഇത്രയും ദിവസം ഒരു പ്രകടനം പോലും നടത്താത്ത കോണ്‍ഗ്രസാണ് സഭയില്‍ വിഷയം ഉന്നയിക്കുന്നതെന്ന് മന്ത്രി പി. രാജീവ് പറഞ്ഞു. 

രാഹുല്‍ ഗാന്ധിക്കെതിരെ വധഭീഷണി മുഴക്കിയ സംഭവത്തില്‍ ബി.ജെ.പി നേതാവ് പ്രിന്റു മഹാദേവിനെതിരെ ഇന്നലെ പൊലിസ് കേസെടുത്തിരുന്നു.

English Summary: The Kerala Legislative Assembly witnessed uproar after Speaker A.N. Shamseer denied permission for an urgent motion to discuss a reported death threat made against Rahul Gandhi by BJP spokesperson Printu Mahadevan during a recent TV debate.