കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ച് (സി.എസ്.ഐ.ആർ) യു.ജി.സി നെറ്റ് പരീക്ഷക്ക് ഒക്ടോബർ 24 വരെ അപേക്ഷിക്കാം. ഡിസംബർ 18നാണ് പരീക്ഷ നടക്കുക. നാഷനൽ ടെസ്റ്റിങ് ഏജൻസിക്കാണ്(എൻ.ടി.എ) പരീക്ഷ നടത്തിപ്പ് ചുമതല. ഫീസടക്കേണ്ട അവസാന തീയതി ഒക്ടോബർ 26. ഒക്ടോബർ 27 മുതൽ 29 വരെ അപേക്ഷയിൽ തിരുത്തലുകൾ വരുത്താം. 

CSIR- UGC NET ? 

സി.എസ്.ഐ.ആർ യു.ജി.സി നെറ്റ് ജൂനിയർ റിസർച്ച് ഫെലോഷിപ്പ്, അസിസ്റ്റന്റ് പ്രഫസർ നിയമനം, പിഎച്ച്.ഡി പ്രോഗ്രാമുകളിലേക്കുള്ള പ്രവേശനത്തിനാണ് സി.എസ്.ഐ.ആർ യു.ജി.സി നെറ്റ് പരീക്ഷ. ശാസ്ത്രം, എൻജിനീയറിങ്, സാങ്കേതികവിദ്യ എന്നീ മേഖലകളിലെ ഉദ്യോഗാർഥികളെ തിരഞ്ഞെടുക്കുന്നതിനാണ് പരീക്ഷ. ഫിസിക്‌സ്, കെമിസ്ട്രി, മാത്തമാറ്റിക്‌സ്, ബയോളജി, ജിയോളജി തുടങ്ങിയ വിഷയങ്ങളും ഇതിൽ ഉൾപ്പെടുന്നു.

പരീക്ഷ രീതി

180 മിനുട്ട്/ മൂന്ന് മണിക്കൂറാണ് പരീക്ഷയുടെ ദൈർഘ്യം. രണ്ടുഘട്ടമായാണ് പരീക്ഷ നടക്കുക. ആദ്യഘട്ടം രാവിലെ 9.30 മുതൽ 12വരെയും രണ്ടാംഘട്ടം ഉച്ചക്കു ശേഷം മൂന്നുമണി മുതൽ ആറുമണി വരെയും നടക്കും.

യോഗ്യത

55ശതമാനം മാർക്കോടെ ബിരുദാനന്തര ബിരുദം നേടിയിരിക്കണം. 

ബിരുദാനന്തര ബിരുദം പഠിച്ചുകൊണ്ടിരിക്കുന്ന അവസാന വർഷ വിദ്യാർഥികൾക്കും അപേക്ഷിക്കാം.

ALSO READ: 'ജെൻ സി'യെ പരിഗണിക്കാൻ വിദ്യാഭ്യാസ വകുപ്പ്; ബിരുദ, ബിരുദാനന്തര പരീക്ഷകൾ ഓൺലൈനിലേക്ക് 

ജെ.ആർ.എഫിന് 30 വയസാണ് ഉയർന്ന പ്രായപരിധി. എന്നാൽ പിഎച്ച്.ഡിക്കും അസിസ്റ്റന്റ് പ്രഫസർഷിപ്പിനും പ്രായപരിധിയില്ല. സംവരണ വിഭാ​ഗത്തിൽ ഉൾപ്പെട്ട വിദ്യാർ‍ഥികൾക്ക് നിയമാനുസൃത വയസിളവ് അനുവദിക്കും.  

ലെക്ചർഷിപ്പ് (എൽ.എസ്)/അസിസ്റ്റന്റ് പ്രൊഫസർ തസ്തികയിലേക്ക് അപേക്ഷിക്കുന്നതിന് ഉയർന്ന പ്രായപരിധിയില്ല.

അപേക്ഷിക്കേണ്ട വിധം

വിദ്യാർഥികൾ ഒക്ടോബർ 24ന് മുൻപായി ഓൺലൈൻ രജിസ്ട്രേഷൻ പൂർത്തിയാക്കണം. ശേഷം ലഭ്യമാവുന്ന ലോ​ഗിൻ ക്രെഡൻഷ്യലുകൾ ഉപയോ​ഗിച്ച് ലോ​ഗിൻ ചെയ്യുക. നിങ്ങളുടെ ഇമെയിൽ ഐഡിയിലും ഫോൺ നമ്പറിലും പങ്കിട്ടിരിക്കുന്ന ആപ്ലിക്കേഷൻ നമ്പറും പാസ്‌വേഡും ഉപയോഗിച്ച് ലഭ്യമായ അപേക്ഷാ ഫോം പൂരിപ്പിക്കുക. ശേഷം സർട്ടിഫിക്കറ്റുകൾ സ്കാൻ ചെയ്ത് നൽകി, അപേക്ഷ ഫീസ് അടയ്ക്കണം. 

വിശദമായ നോട്ടിഫിക്കേഷനും, അപേക്ഷ പ്രോസ്പെക്ടസിനും https://csirnet.nta.nic.in/ സന്ദർശിക്കുക. 

കൂടുതല്‍ Education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക