സാംസ്‌കാരിക വകുപ്പിന് കീഴില്‍ പ്രവര്‍ത്തിക്കുന്ന കേരള ഭാഷാ ഇന്‍സ്റ്റിറ്റ്യൂട്ടില്‍ ജോലി നേടാന്‍ അവസരം. ഭാഷാ ഇന്‍സ്റ്റിറ്റ്യൂട്ടില്‍ ഡിറ്റിപി ഓപ്പറേറ്റര്‍ തസ്തികയിലാണ് പുതിയ റിക്രൂട്ട്‌മെന്റ്. കരാര്‍ നിയമനമാണ് നടക്കുന്നത്. താല്‍പര്യമുള്ളവര്‍ സ്വയം തയ്യാറാക്കിയ അപേക്ഷ ഫോം നല്‍കി അപേക്ഷിക്കണം. 

അവസാന തീയതി: ഒക്ടോബര്‍ 10

തസ്തികയും ഒഴിവുകളും

സാംസ്‌കാരിക വകുപ്പിന് കീഴില്‍- ഭാഷാ ഇന്‍സ്റ്റിറ്റ്യൂട്ടില്‍ ഡിറ്റിപി ഓപ്പറേറ്റര്‍ റിക്രൂട്ട്‌മെന്റ്. 

ഒരു വര്‍ഷത്തേക്ക് കരാര്‍ അടിസ്ഥാനത്തില്‍ താല്‍ക്കാലിക നിയമനം. 

പ്രായപരിധി

50 വയസ് വരെ പ്രായമുള്ളവര്‍ക്ക് അവസരം. 

ശമ്പളം

തെരഞ്ഞെടുക്കപ്പെടുന്നവര്‍ക്ക് പ്രതിമാസം 23,410 രൂപ കരാര്‍ വേതനമായി ലഭിക്കും. 

യോഗ്യത

എസ്.എസ്.എല്‍.സിയും ഒരു അംഗീകൃത സ്ഥാപനത്തില്‍ നിന്നുള്ള പ്രിന്റിംഗ് ടെക്‌നോളജിയിലെ ഡിപ്ലോമ/പ്രിന്റിംഗ് ടെക്‌നോളജിയിലെ ഏതെങ്കിലും വിഭാഗത്തിലെ കെ.ജി.ടി.ഇ/എം. ജി.ടി.ഇ (ലോവര്‍)/പ്രിന്റിംഗ് ടെക്‌നോളജിയില്‍ വി.എച്ച്.എസ്.ഇ കോഴ്‌സും ഒരു അംഗീകൃത സ്ഥാപനത്തില്‍ നിന്നുള്ള ഡിറ്റിപി സര്‍ട്ടിഫിക്കറ്റും/ഡിസിഎ എന്നിവയില്‍ ഏതിലെങ്കിലും ഒരു അംഗീകൃത സര്‍ട്ടിഫിക്കറ്റ്. പി.ജി.ഡി.സി.എ, മറ്റ് ഭാഷകളിലെ പ്രാവീണ്യം എന്നിവ അഭികാമ്യം.

ALSO READ: 2570 ഒഴിവുകള്‍; ജെഇ റിക്രൂട്ട്‌മെന്റ് വിളിച്ച് ഇന്ത്യന്‍ റെയില്‍വേ; കൈനിറയെ ശമ്പളവും മറ്റ് ആനുകൂല്യങ്ങളും; അപേക്ഷ ഉടന്‍ 

തെരഞ്ഞെടുപ്പ്

അഭിമുഖം, പ്രായോഗിക പരീക്ഷ എന്നിവ നടത്തിയാണ് നിയമനം നടത്തുക. 

അപേക്ഷിക്കേണ്ട വിധം

യോഗ്യരായവര്‍ വെള്ളപ്പേപ്പറില്‍ എഴുതി തയ്യാറാക്കിയ അപേക്ഷ ഫോം, വിദ്യാഭ്യാസ യോഗ്യത, എക്‌സ്പീരിയന്‍സ് എന്നിവ ഉള്‍പ്പെടുത്തിയ സ്വയം സാക്ഷ്യപ്പെടുത്തിയ പകര്‍പ്പുകള്‍, ബയോഡാറ്റ (ഇമെയില്‍-ഫോണ്‍ നമ്പര്‍ ഉള്‍പ്പെടുന്ന) എന്നിവ സഹിതം ഭാഷ ഇന്‍സ്റ്റിറ്റ്യൂട്ട് ഓഫീസില്‍ എത്തിക്കണം. 

വിലാസം: ഡയറക്ടര്‍, കേരള ഭാഷാ ഇന്‍സ്റ്റിറ്റ്യൂട്ട്, നളന്ദ, തിരുവനന്തപുരം- 695003.

അപേക്ഷ നല്‍കേണ്ട അവസാന തീയതി ഒക്ടോബര്‍ 10.

വെബ്‌സൈറ്റ്: https://keralabhashainstitute.org/ 

കൂടുതല്‍ തൊഴിൽ വാർത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

DTP Operator recruitment under Kerala Bhasha Institute. candidates must apply with a self-prepared application form before October 10