ദുബൈ: മദ്യപിച്ച് വാഹനമോടിച്ച് റോഡപകടത്തിന് വഴിയൊരുക്കിയ അറബ് സ്ത്രീയെ ശിക്ഷിച്ച് ദുബൈ മിസ്ഡിമെനേഴ്‌സ് കോടതി. പ്രതിക്ക് 10,000 ദിർഹം പിഴ ചുമത്തുകയും, ഇരയുടെ കുടുംബത്തിന് 200,000 ദിർഹം ബ്ലഡ് മണിയായി നൽകാനും കോടതി ഉത്തരവിട്ടു. 

ദുബൈയിലെ അൽ ഖുദ്രയിലാണ് ഈ ദാരുണ സംഭവം നടന്നത്. മദ്യപിച്ച് വാഹനമോടിച്ച സ്ത്രീ, വാഹനത്തിന്റെ നിയന്ത്രണം നഷ്ടപ്പെട്ട് മറ്റൊരു കാറിനെ ഇടിച്ചു. പിന്നീട്, തെരുവുവിളക്കിലും പാർക്ക് ചെയ്തിരുന്ന മറ്റൊരു വാഹനത്തിലും ഇടിച്ചു, തുടർന്ന് മൂന്നാമതൊരു കാറിൽ ഇടിച്ചു. പിന്നെയും റോഡിൽ തുടർന്ന വാഹനം, മൂന്ന് കാൽനടയാത്രക്കാരെ ഇടിച്ചു തെറിപ്പിച്ചു. സംഭവത്തിൽ ഒരാൾ മരിച്ചു, മറ്റ് രണ്ട് പേർക്ക് പരുക്കേറ്റു.

ALSO READ: പെട്രോൾ വാഹനങ്ങളുടെ കാലം കഴിയുന്നു; യുഎഇയിലെ ജനങ്ങൾക്ക് പ്രിയം ഇലക്ട്രിക് വാഹനങ്ങളെന്ന് പഠനം

മെഡിക്കൽ പരിശോധനയിൽ അപകടസമയത്ത് സ്ത്രീ മദ്യപിച്ചിരുന്നതായി കണ്ടെത്തി. പൊലിസ് അന്വേഷണത്തിൽ അവർ കുറ്റം സമ്മതിച്ചു. റോഡിലെ കാൽനടയാത്രക്കാരെ കണ്ട് ഞെട്ടിപ്പോയെന്നായിരുന്നു അവരുടെ വാദം.

ഡ്രൈവിംഗിൽ ജാഗ്രത പാലിക്കാത്തത് അപകടത്തിന് നേരിട്ട് കാരണമായെന്ന് കോടതി വിധിച്ചു. അതേസമയം, നിശ്ചിത ക്രോസിംഗുകൾക്ക് പുറത്ത് റോഡിന്റെ മധ്യത്തിൽ നിന്നതിലൂടെ കാൽനടയാത്രക്കാർ ദുരന്തത്തിന് ഭാഗികമായി കാരണമായതായി കോടതി കണ്ടെത്തി.

എന്നിരുന്നാലും, മറ്റ് വാഹനങ്ങൾക്കുണ്ടായ കേടുപാടുകൾക്ക് സ്ത്രീ ഉത്തരവാദിയാണെന്ന് കോടതി കണ്ടെത്തി. തുടർന്ന് 10,000 ദിർഹം പിഴയും, കൂടാതെ 200,000 ദിർഹം ബ്ലഡ് മണിയായി നൽകാനും കോടതി വിധിച്ചു.

A woman in Dubai has been fined Dh10,000 and ordered to pay Dh200,000 in blood money to the family of a pedestrian who was killed in a drunk-driving accident. The court found the woman guilty of driving under the influence of alcohol and failing to exercise caution, resulting in the death of one person and injuries to two others