ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. റൊണാൾഡോയാണോ മെസിയാണോ ഫുട്ബോളിലെ മികച്ച താരം എന്ന ചോദ്യത്തിന് മറുപടി നൽകിയിരിക്കുകയാണ് മുൻ റയൽ മാഡ്രിഡ് ഗോൾകീപ്പർ കെയ്‌ലർ നവാസ്.

റൊണാൾഡോക്കൊപ്പം താൻ ഒരുമിച്ചു കളിച്ചതിനാൽ മെസിയെ മറികടന്നുകൊണ്ട് പോർച്ചുഗീസ് ഇതിഹാസത്തെയാണ് നവാസ് മികച്ച താരമായി തെരഞ്ഞെടുത്തത്. മെക്സിക്കൻ ടെലിവിഷൻ ചാനലായ ടിയുഡിഎന്നിന് നൽകിയ അഭിമുഖത്തിൽ സംസാരിക്കുകയായിരുന്നു മുൻ റയൽ മാഡ്രിഡ് താരം.

''ഇത് വളരെ ബുദ്ധിമുട്ടാണ്. എന്നാൽ എനിക്ക് ഒരു തീരുമാനമെടുക്കേണ്ടി വന്നാൽ ഞാൻ അവർക്കൊപ്പം ഉണ്ടായിരുന്ന ആ നിമിഷം കാരണം എല്ലാത്തിനും ഉപരി ഞാൻ ക്രിസ്റ്റ്യാനോയെ തെരഞ്ഞെടുക്കുമെന്ന് ഞാൻ കരുതുന്നു" കെയ്‌ലർ നവാസ് പറഞ്ഞു, 

റൊണാൾഡോ നിലവിൽ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. അൽ നസറിനായി 88 ഗോളുകളാണ് റൊണാൾഡോ നേടിയിട്ടുള്ളത്.

അതേസമയം മെസി അമേരിക്കൻ ക്ലബ് ഇന്റർ മയമിക്ക് വേണ്ടിയാണ് മെസി കളിക്കുന്നത്. മയാമിക്കൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

Who is the better player between Cristiano Ronaldo and Lionel Messi has been an active debate in the world of football for two decades. Former Real Madrid goalkeeper Keylor Navas has answered the question of whether Ronaldo or Messi is the better player in football.