മസ്കത്ത്: എയർ ഇന്ത്യ എക്സ്പ്രസ് വിമാനങ്ങളുടെ മസ്കത്ത്–കണ്ണൂർ (MCT–CNN–MCT) സർവീസിന്റെയും മസ്കത്ത്–കോഴിക്കോട് (MCT–CCJ–MCT) സർവീസിന്റെയും പുതിയ സമയക്രമം പ്രഖ്യാപിച്ചു. മാറ്റം ഒക്ടോബർ 26 മുതൽ പ്രാബല്യത്തിൽ വരും.

മസ്കത്ത്–കണ്ണൂർ–മസ്കത്ത് (MCT–CNN–MCT)-ഒക്ടോബർ 26 മുതലുള്ള പുതിയ സമയക്രമം:

• മസ്കത്തിൽ നിന്ന് കണ്ണൂരിലേക്ക് (MCT → CNN): രാത്രി 08:10
• കണ്ണൂരിൽ നിന്ന് മസ്കത്തിലേക്ക് (CNN → MCT): വൈകിട്ട് 05:00

മസ്കത്ത്–കോഴിക്കോട്–മസ്കത്ത് (MCT–CCJ–MCT)-ഒക്ടോബർ 28 മുതലുള്ള പുതിയ സമയക്രമം:

• മസ്കത്തിൽ നിന്ന് കോഴിക്കോട്ടേക്ക് (MCT → CCJ): ഉച്ചയ്ക്ക് 01:05
• കോഴിക്കോട് നിന്ന് മസ്കത്തിലേക്ക് (CCJ → MCT): രാവിലെ 09:50

പുതിയ സമയക്രമം യാത്രക്കാരുടെ സൗകര്യങ്ങൾ പരിഗണിച്ചാകും നടപ്പാക്കുകയെന്ന് എയർ ഇന്ത്യ എക്സ്പ്രസ് അധികൃതർ അറിയിച്ചു. യാത്രക്കാർ പുതുക്കിയ സമയങ്ങൾ ശ്രദ്ധിക്കണമെന്നും, യാത്രയ്‌ക്ക് മുമ്പ് ടിക്കറ്റ് വിശദാംശങ്ങൾ പരിശോധിക്കണമെന്നും അറിയിച്ചു.

അതേസമയം ഗൾഫ് രാജ്യങ്ങളിൽ നിന്നും നാട്ടിലേക്ക് വരുന്ന യാത്രക്കാർക്ക് എയർ ഇന്ത്യ എക്‌സ്പ്രസ് പ്രത്യേക ഓഫർ പ്രഖ്യാപിച്ചു. ഒരു റിയാലിന് പത്തു കിലോ അധിക ലഗേജ് കൊണ്ടുവരാം. സഊദിയിൽ നിന്നുള്ള എല്ലാ സർവീസുകൾക്കും ആനുകൂല്യം ലഭിക്കും.

ALSO READ: ഒരു റിയാലിന് പത്ത് കിലോ അധിക ലഗേജ് കൊണ്ടുവരാം; വമ്പൻ ഓഫറുമായി എയര്‍ ഇന്ത്യ എക്‌സ്പ്രസ് 

ടിക്കറ്റ് ബുക്ക് ചെയ്യുന്ന സമയത്ത് തന്നെ ഒരു റിയാൽ അധികം നൽകി സേവനം ഉപയോഗപ്പെടുത്താം. ടിക്കറ്റ് ബുക്ക് ചെയ്യുന്ന സമയത്ത് തന്നെ ഒരു റിയാൽ നൽകി സേവനം ഉപയോഗപ്പെടുത്തിയില്ലെങ്കിൽ ഈ ഓഫർ ലഭ്യമാകില്ല. ഒക്ടോബർ 31 വരെയുള്ള ടിക്കറ്റ് ബുക്കിംഗുകൾക്കും നവംബർ 30 വരെയുള്ള യാത്രകൾക്കുമാകും ഈ ഓഫർ ലഭിക്കുക.

നിലവിൽ മുപ്പത് കിലോ ഭാരമുള്ള ലഗേജാണ് എയർ ഇന്ത്യ എക്‌സ്പ്രസ് യാത്രക്കാർക്ക് കൊണ്ടുവരാനാവുക. ഇതിനു പുറമേയാണ് പത്ത് കിലോ കൂടി അധികമായി കൊണ്ടുവരാനാവുക.

ഈ ആനുകൂല്യം കൂടി ലഭിച്ചാൽ ഹാന്റ് ബാഗ് ഉൾപ്പെടെ 47 കിലോ ഗ്രാം വരെ ഒരു യാത്രക്കാരന് കൊണ്ടുപോകാൻ സാധിക്കും. ഓഫ് സീസണിൽ കൂടുതൽ യാത്രക്കാരെ ലക്ഷ്യമിട്ടാണ് എയർ ഇന്ത്യ എക്‌സ്പ്രസ് ഓഫറുമായി രംഗത്തെത്തിയിരിക്കുന്നത്.

ALSO READ: പറന്നുയരാൻ ഒരുങ്ങി റിയാദ് എയർ; ആദ്യ സർവീസ് ലണ്ടനിലേക്ക്; വരും വർഷങ്ങളിൽ ഇന്ത്യയിലേക്കും 

"ഈ ഒരു ദിർഹം അധിക ലഗേജ് ഓഫറിലൂടെ, ഗൾഫിലുടനീളമുള്ള ഞങ്ങളുടെ വിശ്വസ്തരായ യാത്രക്കാർക്ക് ആശ്വാസം നൽകുന്നതിനുള്ള പ്രതിബദ്ധത എയർ ഇന്ത്യ എക്സ്പ്രസ് തുടരുകയാണ്. ഉത്സവ യാത്രകൾ പലപ്പോഴും പ്രിയപ്പെട്ടവർക്കായി സമ്മാനങ്ങളും അവശ്യവസ്തുക്കളും കൊണ്ടുപോകുന്നതിനെ അർത്ഥമാക്കുന്നുവെന്ന് ഞങ്ങൾ മനസ്സിലാക്കുന്നു, ഈ ഓഫർ ആ യാത്രയെ കുറച്ചുകൂടി എളുപ്പമാക്കുന്നതിനുള്ള മാർഗമാണ്," ഗൾഫ്, മിഡിൽ ഈസ്റ്റ് & ആഫ്രിക്ക റീജിയണൽ മാനേജർ പി.പി. സിംഗ് പറഞ്ഞു.

എയർ ഇന്ത്യയുടെ അനുബന്ധ സ്ഥാപനവും ടാറ്റ ഗ്രൂപ്പിന്റെ ഭാഗമായതുമായ എയർ ഇന്ത്യ എക്സ്പ്രസ്, ദുബൈ, ഷാർജ, അബൂദബി, മസ്കത്ത്, ദമ്മാം, ദോഹ തുടങ്ങിയ നഗരങ്ങളെ 20 ലധികം ഇന്ത്യൻ ലക്ഷ്യസ്ഥാനങ്ങളുമായി ബന്ധിപ്പിക്കുന്നു.

ദീപാവലി അവധിക്കാല യാത്രകളിൽ ഉത്സവകാല യാത്രക്കാർ പരമാവധി എത്തുമെന്ന് പ്രതീക്ഷിക്കുന്നതിനാൽ, കുറഞ്ഞ നിരക്കിലുള്ള എയർലൈനിന്റെ 1 ദിർഹം ലഗേജ് ഡീൽ നാട്ടിലേക്ക് പറക്കുമ്പോൾ പരമാവധി പണം ലാഭിക്കാൻ ആഗ്രഹിക്കുന്ന യാത്രക്കാരിൽ നിന്ന് ശക്തമായ താൽപ്പര്യം ആകർഷിക്കാൻ സാധ്യതയുണ്ട്.

air india express revises departure schedules from oman effective october 26, 2025, reducing muscat-kerala frequencies amid winter reshuffle.