ഷാര്‍ജ: കുടുംബ സൗഹൃദ പ്രവര്‍ത്തനങ്ങളുമായി പിങ്ക് കാരവന്‍ ഈ മാസം ഷാര്‍ജയിലെ അല്‍ ജാദയിലേക്ക് തിരിച്ചെത്തുന്നു. കമ്മ്യൂണിറ്റി പരിപാടിയുടെ രണ്ടാം പതിപ്പ് ഈ മാസം 10 മുതല്‍ 12 വരെ വൈകീട്ട് 5 മുതല്‍ രാത്രി 11 വരെ നടക്കും. മൂന്ന് ദിവസത്തെ കാംപയിനില്‍ സൗജന്യ സ്തനാര്‍ബുദ പരിശോധനകള്‍ നടത്താനും ചര്‍ച്ചകളില്‍ പങ്കെടുക്കാനും പ്രായമായവര്‍ക്കായി പ്രവര്‍ത്തനങ്ങളില്‍ ഏര്‍പ്പെടാനും കഴിയും. തത്സമയ വിനോദം, വര്‍ക്ക്‌ഷോപ്പുകള്‍, വിനോദ പ്രവര്‍ത്തനങ്ങള്‍ എന്നിവയും പരിപാടിയില്‍ ഉണ്ടായിരിക്കും. 40 വയസിനു മുകളിലുള്ളവര്‍ക്ക് മാമോഗ്രാം പരിശോധനകളും ലഭിക്കും (ഇത് ആദ്യം വരുന്നവര്‍ക്ക് ആദ്യം എന്ന അടിസ്ഥാനത്തിലായിരിക്കും).

സ്തനാര്‍ബുദം നേരത്തേ കണ്ടെത്തുന്നതിന്റെയും ചികിത്സയുടെയും പ്രാധാന്യത്തെക്കുറിച്ച് അവബോധം വളര്‍ത്തുന്നതിനായി ഫ്രണ്ട്‌സ് ഓഫ് കാന്‍സര്‍ പേഷ്യന്റ്‌സിന്റെ ഒരു സംരംഭമാണ് പിങ്ക് കാരവന്‍. കാംപയിന്‍ ഭാഗമായി, എട്ട് ഫിക്‌സഡ് ക്ലിനിക്കുകളും വലുതും ചെറുതുമായ മൊബൈല്‍ യൂണിറ്റുകളുടെ ഒരു കൂട്ടവും രാജ്യ വ്യാപകമായി 86ലധികം സ്ഥലങ്ങളിലായി പ്രവര്‍ത്തിക്കും. പ്രതിരോധം, ചികിത്സ, പതിവ് പരിശോധനകളുടെ പ്രാധാന്യം എന്നിവയില്‍ ശ്രദ്ധ കേന്ദ്രീകരിച്ചുള്ള വിദ്യാഭ്യാസ വര്‍ക്ക്‌ഷോപ്പുകള്‍ക്കൊപ്പം ആയിരക്കണക്കിന് സൗജന്യ സ്‌ക്രീനിംഗുകളും നല്‍കും.

മാത്രമല്ല, ഈ മാസം 25ന് ദുബൈ സെവന്‍സ് സ്റ്റേഡിയത്തില്‍ നടക്കുന്ന 'ബാറ്റില്‍ കാന്‍സര്‍ ചലഞ്ചി'ല്‍ സംരംഭം സാന്നിധ്യം കണ്ടെത്തും. സൗജന്യ സ്തനാര്‍ബുദ പരിശോധനകള്‍ വാഗ്ദാനം ചെയ്യുന്ന ഒരു മൊബൈല്‍ ക്ലിനിക് ദിവസം മുഴുവന്‍ സ്ഥലത്തുണ്ടാകും. പരിപാടിയില്‍ ഒരു ഫിറ്റ്‌നസ് ചലഞ്ചും ഉള്‍പ്പെടുന്നു. കൂടാതെ, മിഡില്‍ ഈസ്റ്റിലെ ആദ്യ ലൈസന്‍സുള്ള ഓണ്‍ലൈന്‍ ഫണ്ട് റൈസിംഗ് പ്ലാറ്റ്‌ഫോമായ യല്ല ഗൈവ് വഴി 'FOCP ഃ ബാറ്റില്‍ കാന്‍സര്‍ 2025' കാംപയിനിനായി ഫണ്ട് സ്വരൂപിക്കുകയും ചെയ്യും. ഈ മാസം 18 വ്യാഴാഴ്ച സൈക്ലിംഗ് വിത്ത് റിക്‌സോസിന്റെ അഞ്ചാം പതിപ്പിനായി ഈ സംരംഭം റിക്‌സോസ് മറീന അബൂദബിയുമായി സഹകരിക്കും.

ALSO READ: സൗദി: ഖിബ്‌ലതൈന്‍ മസ്ജിദ് 24 മണിക്കൂറും തുറന്നുകിടക്കും; വിശ്വാസികള്‍ക്ക് ഏത് സമയത്തും ആരാധന നിര്‍വഹിക്കാം

The Pink Caravan is returning to Aljada, Sharjah, this month with a number of family-friendly activities. The second edition of the community event is running from October 10-12 between 5pm and 11pm. During the three-day campaign, one can get  free breast cancer screenings, attend talks, and engage in activities for people of ages.