മസ്‌കത്ത്: ഒമാനിലെ സുഹാറിനെയും അബുദബിയെയും ബന്ധിപ്പിക്കുന്ന 238 കിലോമീറ്റര്‍ ദൈര്‍ഘ്യമുള്ള ഹഫീത് റെയില്‍ ശൃംഖലയുടെ (Hafeet Rail Network) നിര്‍മ്മാണ പ്രവര്‍ത്തനങ്ങള്‍ അന്തിമഘട്ടത്തിലേക്ക്. സുഹാര്‍ തുറമുഖം വഴി 3,800ലധികം റെയിലുകള്‍ എത്തിച്ചതോടെ റെയില്‍വേ ലിങ്കിനായുള്ള ട്രാക്ക്‌ലേയിങ് ആരംഭിച്ചിട്ടുണ്ട്. 238 കിലോമീറ്ററാണ് സുഹാര്‍ സിറ്റിയെയും യുഎഇ തലസ്ഥാനമായ അബൂദബിയെയും ബന്ധിപ്പിക്കുന്ന റെയില്‍ ശൃംഖലയുടെ ദൂരം.

റെയില്‍ ശൃംഖലയുടെ നിര്‍മാണപ്രവര്‍ത്തനങ്ങള്‍ 50 ശതമാനത്തിലെത്തിയിട്ടുണ്ടെന്ന് ഗ്ലോബല്‍ റെയില്‍ സമ്മേളനത്തില്‍ ഇത്തിഹാദ് റെയില്‍ സിഇഒ ഷാദി മലക് അറിയിച്ചു. അബൂദബിയില്‍ ഗ്ലോബല്‍ റെയില്‍ കോണ്‍ഫറന്‍സില്‍ പങ്കെടുത്ത് സംസാരിക്കുകയായിരുന്നു അദ്ദേഹം.

ജിസിസി റെയില്‍വേയുടെ ഭാഗമായ മുബദാലയിലെ യുഎഇയുടെ ഇത്തിഹാദ് റെയില്‍, ഒമാനിലെ അസ്യാദ് ഗ്രൂപ്പ് എന്നിവയുടെ സംയുക്ത സംരംഭമാണ് ഹഫീത് റെയില്‍. ഒമാനും യുഎഇയും തമ്മില്‍ ഇത്തരത്തിലുള്ള ആദ്യ എയര്‍റെയില്‍ ഇടനാഴിയാണിത്. ഈ സുപ്രധാന നടപടി മേഖലയിലെ ചലനാത്മകത, വ്യാപാരം, സാമ്പത്തിക സഹകരണം എന്നിവ വര്‍ദ്ധിപ്പിക്കും.

ALSO READ: കുവൈത്ത്: സ്വകാര്യ മേഖലയിലെ നിരവധി വര്‍ക്ക് പെര്‍മിറ്റ് ഗ്യാരണ്ടികള്‍ റദ്ദാക്കി; തൊഴിലുടമകള്‍ക്ക് ആശ്വാസം  

ഒമാനെയും യുഎഇയെയും ബന്ധിപ്പിക്കുന്ന റെയില്‍വേ ശൃംഖലയിലൂടെ സംയോജിതവും തടസ്സമില്ലാത്തതുമായ കണ്ടെയ്‌നര്‍ ഗതാഗത സേവനം നല്‍കാന്‍ കരാര്‍ ലക്ഷ്യമിടുന്നു. ചരക്ക് ഗതാഗതം, തുറമുഖ പ്രവര്‍ത്തനങ്ങള്‍, കസ്റ്റംസ് ക്ലിയറന്‍സ്, ചരക്ക് ഏകീകരണം, അവസാനത്തെ മൈല്‍ ഡെലിവറി എന്നിവയും സേവനത്തില്‍ ഉള്‍പ്പെടുന്നു.

സുല്‍ത്താനേറ്റ് ഓഫ് ഒമാനും യുണൈറ്റഡ് അറബ് എമിറേറ്റ്‌സും തമ്മില്‍ ഇന്റര്‍മോഡല്‍ ട്രെയിന്‍ സര്‍വീസുകള്‍ നല്‍കുന്നതിന് അസ്യാദ് ലോജിസ്റ്റിക്‌സുമായി ഹാഫിത് റെയില്‍ കമ്പനി കരാര്‍ ഒപ്പുവച്ചിട്ടുണ്ട്. സുഹര്‍ തുറമുഖത്തെ ജനറല്‍ കാര്‍ഗോ ടെര്‍മിനലിലൂടെയും സി. സ്റ്റെയ്ന്‍വെഗ് ഒമാന്‍ എല്‍എല്‍സി നടത്തുന്ന ഫ്രീസോണിലൂടെയും റെയില്‍വേ ട്രാക്കുകളുടെ ആദ്യ കയറ്റുമതി അടുത്തിടെ ഹഫീത് റെയില്‍വേയ്ക്ക് ലഭിച്ചു.

Work on the 238-kilometre Hafeet Rail network linking the city of Suhar and Abu Dhabi is progressing at a steady pace. Shadi Malak, CEO of Etihad Rail, revealed at the recently held Global Rail conference in Abu Dhabi that the project is edging close to the finish line.