സ്‌റ്റോക്കോം: 2025 ലെ സാമ്പത്തിക നൊബേല്‍ മൂന്നുപേര്‍ക്ക്. ജോയല്‍ മോകിര്‍, ഫിലിപ്പ് അഗിയോണ്‍, പീറ്റര്‍ ഹോവിറ്റ് എന്നിവര്‍ പുരസ്‌കാരം പങ്കിടും. നവീകരണത്തില്‍ അധിഷ്ഠിതമായ സാമ്പത്തിക വളര്‍ച്ചയെക്കുറിച്ച് വിശദീകരിച്ചതാണ് ഇവരെ സാമ്പത്തിക നൊബേലിന് അര്‍ഹരാക്കിയത്. 

സാങ്കേതിക പുരോഗതിയിലൂടെ സുസ്ഥിര വളര്‍ച്ചക്കുള്ള മുന്‍വ്യവസ്ഥകള്‍ തിരിച്ചറിഞ്ഞതിന് സമ്മാനത്തിന്റെ പകുതി ജോയല്‍ മോകിറിന് നല്‍കുന്നതായി റോയല്‍ സ്വീഡിഷ് അക്കാദമി ഓഫ് സയന്‍സ് വ്യക്തമാക്കി. സമ്മാനത്തുകയുടെ മറുപകുതി മറ്റ് രണ്ടുപേരും പങ്കിടും. 

ALSO READ: വൈദ്യശാസ്ത്ര നൊബേല്‍ 3 പേര്‍ക്ക്; പുരസ്‌കാരം രോഗപ്രതിരോധശേഷിയുമായി ബന്ധപ്പെട്ട കണ്ടെത്തലിന്

നെതര്‍ലന്‍ഡ്സില്‍ ജനിച്ച ജോയല്‍ മോകിര്‍ യുണൈറ്റഡ് സ്റ്റേറ്റ്‌സിലെ നോര്‍ത്ത് വെസ്റ്റേണ്‍ യൂണിവേഴ്സിറ്റിയില്‍ പ്രൊഫസറാണ്, ഫിലിപ്പ് അഗിയോണ്‍ കൊളേജ് ഡി ഫ്രാന്‍സിലും പാരീസിലെ INSEAD ലും യുകെയിലെ ലണ്ടന്‍ സ്‌കൂള്‍ ഓഫ് ഇക്കണോമിക്സ് ആന്‍ഡ് പൊളിറ്റിക്കല്‍ സയന്‍സിലും പ്രൊഫസറാണ്. പീറ്റര്‍ ഹോവിറ്റ് യുണൈറ്റഡ് സ്റ്റേറ്റ്‌സിലെ ബ്രൗണ്‍ യൂണിവേഴ്സിറ്റിയില്‍ പ്രൊഫസറാണ്.

English Summary: 2025 Nobel Prize in Economics awarded to Joel Mokyr, Philippe Aghion, and Peter Howitt for their research on innovation-led economic growth. Full details on their contributions.