ദുബൈ: എയര്‍ ഇന്ത്യ എക്‌സ്പ്രസിന്റെ തിരുവനന്തപുരം ദുബൈ സര്‍വിസുകളും തിരുവനന്തപുരം അബൂദബി സര്‍വിസുകളും പുനഃസ്ഥാപിക്കുന്നു. ഇതുസംബന്ധിച്ച് അറിയിപ്പ് ലഭിച്ചതായി തിരുവനന്തപുരം എം.പി ഡോ. ശശി തരൂര്‍ എക്‌സില്‍ കുറിച്ചു. ഈ മാസം 28 മുതല്‍ ദുബൈ സര്‍വിസുകളും ഡിസംബര്‍ 3 മുതല്‍ അബൂദബി സര്‍വിസുകളും പുനരാരംഭിക്കുമെന്ന് എയര്‍ലൈന്‍ സ്ഥിരീകരിച്ചതായി എക്‌സിലെ പോസ്റ്റില്‍ ശശി തരൂര്‍ വെളിപ്പെടുത്തി. സര്‍വിസ് പുനഃസ്ഥാപിച്ചത് പ്രവാസികളുടെ യാത്രാദുരിതത്തിന് താല്‍കാലിക ആശ്വാസമായി.

തിരുവനന്തപുരംഡല്‍ഹി റൂട്ടില്‍ ബിസിനസ് ക്ലാസ് കോണ്‍ഫിഗറേഷനുള്ള വിമാനങ്ങള്‍ എയര്‍ ഇന്ത്യ ദിവസേന മൂന്ന് തവണ സര്‍വിസ് നടത്തുമെന്നും തരൂര്‍ പറഞ്ഞു.

2025 ഒക്ടോബര്‍ മുതല്‍ 2026 മാര്‍ച്ച് വരെ നീളുന്ന ശൈത്യ കാലയളവില്‍ കേരളത്തിനും ഗള്‍ഫ് ലക്ഷ്യസ്ഥാനങ്ങള്‍ക്കുമിടയില്‍ എയര്‍ ഇന്ത്യ എക്‌സ്പ്രസ് നടത്തുന്ന കുറഞ്ഞ ബജറ്റ് വിമാന സര്‍വിസുകളുടെ എണ്ണം കുറയ്ക്കാന്‍ പദ്ധതിയിടുന്നതായി നേരത്തെ റിപ്പോര്‍ട്ടുകള്‍ ഉണ്ടായിരുന്നു.

ശൈത്യകാലം മുഴുവന്‍ തുടരുന്ന പ്രവര്‍ത്തനങ്ങളെക്കുറിച്ച് എക്‌സ്പ്രസ് യു.എ.ഇയിലെ യാത്രാ ഏജന്‍സികളെ അറിയിച്ചിട്ടുണ്ട്. നിലവില്‍ വേനല്‍ക്കാല ഷെഡ്യൂള്‍ പ്രകാരമാണ് വിമാനങ്ങള്‍ സര്‍വിസ് നടത്തുന്നത്. തിരുവനന്തപുരംദുബൈതിരുവനന്തപുരം റൂട്ടിലെ ബുക്കിങ്ങുകള്‍ ഒക്ടോബര്‍ 27 വരെ തുറന്നിരിക്കുന്നുവെന്നും ട്രാവല്‍ ഏജന്‍സി വൃത്തങ്ങള്‍ സൂചിപ്പിച്ചു.

നേരത്തെ, ഒക്ടോബര്‍ 28 മുതല്‍ സര്‍വിസുകള്‍ നിര്‍ത്തലാക്കുമെന്ന് പ്രതീക്ഷിച്ചിരുന്നു. എന്നാല്‍, എയര്‍ ഇന്ത്യ എക്‌സ്പ്രസ് പിന്നീട് അവ പുനഃസ്ഥാപിച്ചു. ശൈത്യ കാലത്തേക്കുള്ള ബുക്കിംഗുകളും ഇപ്പോള്‍ സ്വീകരിക്കാമെന്ന് അവരുടെ സെയില്‍സ് ടീം സ്ഥിരീകരിച്ചിട്ടുണ്ടെന്നും ബന്ധപ്പെട്ടവര്‍ വിശദീകരിച്ചു.
അബൂദബിയില്‍ ഒക്ടോബര്‍ 28നും ഡിസംബര്‍ രണ്ടിനുമിടയില്‍ വിമാനങ്ങള്‍ ഉണ്ടാകില്ലെന്നും, എന്നാല്‍ ഡിസംബര്‍ 3 മുതല്‍ സര്‍വിസുകള്‍ പുനരാരംഭിക്കുമെന്നും സ്ഥിരീകരണമായിട്ടുണ്ട്. 2026 ആകുമ്പോഴേക്കും കേരളത്തില്‍ നിന്നുള്ള അന്താരാഷ്ട്ര വിമാനങ്ങളുടെ എണ്ണം 231 ആയും, ആഭ്യന്തര വിമാനങ്ങളുടെ എണ്ണം 245 ആയും ഉയരുമെന്ന് എയര്‍ ഇന്ത്യ പ്രഖ്യാപിച്ചു. ഇത് നിലവിലെ കുറവ് നികത്താന്‍ പാകത്തിലുള്ളതാണ്.

UAE residents travelling to the southern Indian state of Kerala can now expect continued flight services to Thiruvananthapuram, following earlier uncertainty over Air India Express’ winter schedule. Reports had suggested that Air India was planning to reduce the number of low-cost flights operated by its subsidiary, Air India Express, between Kerala and Gulf destinations for the upcoming winter season (October 2025–March 2026).