കോഴിക്കോട്: പേരാമ്പ്ര സംഘര്‍ഷവുമായി ബന്ധപ്പെട്ട് തനിക്കെതിരേ ഷാഫി പറമ്പില്‍ എം.പി ഉന്നയിച്ച ആരോപണം തള്ളി സി.ഐ അഭിലാഷ് ഡേവിഡ്. സംഘര്‍ഷം നടക്കുന്ന സമയത്ത് താന്‍ അവിടെ ഉണ്ടായിരുന്നില്ലെന്നും തനിക്ക് ആ സമയത്ത് ഡ്യൂട്ടി ബസ് സ്റ്റാന്‍ഡിലായിരുന്നുവെന്നും അഭിലാഷ് പറഞ്ഞു. ബസ് സ്റ്റാന്‍ഡില്‍നിന്ന് 10-25 മീറ്റര്‍ ഇപ്പുറത്താണ് ഈ സംഭവം നടക്കുന്നത്. അവിടെഡിവൈഎസ്പിയും ബാക്കി ഉദ്യോഗസ്ഥരുമായിരുന്നു ഡ്യൂട്ടിയിലുണ്ടായിരുന്നതെന്നും അദ്ദേഹം പറഞ്ഞു. 

2023 ല്‍ തന്നെ പിരിച്ചുവിട്ടെന്ന വാര്‍ത്തകള്‍ തെറ്റാണ്. തന്നെ സസ്‌പെന്‍ഡ് ചെയ്തിരുന്നു. അതിനെതിരെ ട്രൈബ്യൂണലില്‍ അപ്പീല്‍ പോയെന്നും അത് അംഗീകരിച്ച് സസ്‌പെന്‍ഷന്‍ പിന്‍വലിച്ചെന്നും അദ്ദേഹം പറഞ്ഞു. 

ALSO READ: പേരാമ്പ്രയിലെ പൊലിസ് മര്‍ദ്ദനം ആസൂത്രിതം, മര്‍ദ്ദിച്ചത് വടകര കണ്‍ട്രോള്‍ റൂം സി.ഐ; ഇയാളെ തിരിച്ചറിയാന്‍ എ.ഐ ടൂളിന്റെ ആവശ്യമില്ലെന്ന് ഷാഫി പറമ്പില്‍

പേരാമ്പ്രയില്‍ തന്നെ മര്‍ദിച്ചത് അഭിലാഷ് ഡേവിഡ് എന്ന സിഐ ആണെന്നായിരുന്നു ഇന്ന് കോഴിക്കോട്ട് നടത്തിയ വാര്‍ത്താസമ്മേളനത്തില്‍ ഷാഫി പറമ്പില്‍ ആരോപിച്ചത്. പേരാമ്പ്രയില്‍ പൊലിസ് നടത്തിയത് ആസൂത്രിത ആക്രമണമെന്ന് ഷാഫി പറമ്പില്‍ ആരോപിച്ചു. എം.പി. ശബരിമല സ്വര്‍ണക്കൊള്ള മറയ്ക്കാനായിരുന്നു ആക്രമണം. താന്‍ പ്രകോപനം ഉണ്ടാക്കാന്‍ ശ്രമിച്ചിട്ടില്ല.  പ്രവര്‍ത്തകരെ പിരിച്ചുവിട്ടിട്ടാണ് അന്ന് തിരിച്ചുപോയതെന്നും ഷാഫി പറഞ്ഞു.

English Summary: Kozhikode: Police officer CI Abhilash David has denied the allegations made against him by MP Shafi Parambil in connection with the recent Perambra police violence incident.