അബൂദബി: അബൂദബി ഡിപ്പാർട്ട്‌മെന്റ് ഓഫ് കൾച്ചർ ആൻഡ് ടൂറിസത്തിന്റെ (DCT Abu Dhabi) പ്രശസ്തമായ 'മനാർ അബൂദബി' എന്ന പബ്ലിക് ലൈറ്റ് ആർട്ട് എക്സിബിഷൻ നവംബർ ഒന്നിന് അൽ ഐനിൽ ആരംഭിച്ചു.

നൂറ്റാണ്ടുകൾ പഴക്കമുള്ള, ഈന്തപ്പനത്തോട്ടങ്ങളാൽ നിറഞ്ഞ അൽ ഐനിലെ മരുപ്പച്ചകളാണ് (ഒയാസിസുകൾ) ഇപ്പോൾ വെളിച്ചത്താൽ തിളങ്ങുന്നത്. ഇത് ആദ്യമായാണ് അബൂദബിക്ക് പുറത്ത് ഈ പ്രദർശനം സംഘടിപ്പിക്കുന്നത്. ഇതിലൂടെ, അൽ ജിമി, അൽ ഖത്താര തുടങ്ങിയ ഒയാസിസുകൾ രാത്രികാലങ്ങളിൽ മനോഹരമായ കലാകേന്ദ്രങ്ങളായി രൂപാന്തരപ്പെട്ടു.

'ദ ലൈറ്റ് കോമ്പസ്' (The Light Compass) എന്ന പ്രമേയത്തെ അടിസ്ഥാനമാക്കിയാണ് അൽ ഐനിലെ പരിപാടികൾ സംഘടിപ്പിച്ചിരിക്കുന്നത്. റാഫേൽ ലോസാനോ-ഹെമ്മർ, ഖാലിദ് ഷാഫർ, മൈത ഹംദാൻ, അബ്ദല്ല അൽമുള്ള, അമ്മാർ അൽ അത്താർ, ക്രിസ്റ്റ്യൻ ബ്രിങ്ക്മാൻ തുടങ്ങിയ ആറ് എമിറാത്തി, അന്താരാഷ്ട്ര കലാകാരന്മാരുടെ സൃഷ്ടികൾ ഈ പ്രദർശനത്തിൽ ആസ്വദിക്കാവുന്നതാണ്.

ALSO READ: യുഎഇയിൽ നാളെ 'ബീവർ സൂപ്പർമൂൺ'; ഈ വർഷത്തെ ഏറ്റവും വലുതും തിളക്കമേറിയതുമായ ചന്ദ്രനെക്കാണാൻ അവസരം

അൽ ഐനിലെ പരമ്പരാഗത കരകൗശല മേളയുടെ തുടക്കത്തോടനുബന്ധിച്ചായിരുന്നു ഉദ്ഘാടന വാരാന്ത്യം. ദീപാലങ്കാരങ്ങൾക്ക് പുറമെ, സന്ദർശകർക്ക് ഈന്തപ്പനത്തോട്ടങ്ങളിലുടനീളമുള്ള ഭക്ഷണശാലകളും, പാനീയ കിയോസ്കുകളും, ഗൈഡഡ് ടൂറുകളും, ഫോട്ടോഗ്രാഫി വർക്ക്‌ഷോപ്പുകളും എക്സിബിഷനിൽ ആസ്വദിക്കാനാകും. 

പ്രദർശന സമയം: 2026 ജനുവരി 4 വരെ എല്ലാ ദിവസവും വൈകുന്നേരം 5.30 മുതൽ രാത്രി 12 മണി വരെ.

പ്രവേശനം: സൗജന്യമാണ്.

ഗൈഡഡ് ടൂറുകൾ: എല്ലാ ദിവസവും വൈകുന്നേരം 7 മണിക്ക് ഒരാൾക്ക് 50 ദിർഹം നിരക്കിൽ ഗൈഡഡ് ടൂറുകൾ ലഭ്യമാണ്.

The Abu Dhabi Department of Culture and Tourism (DCT Abu Dhabi) has launched its captivating public light art exhibition, 'Manar Abu Dhabi,' in Al Ain on November 1. This spectacular display of light and art is set to mesmerize visitors with its unique blend of creativity and technology.