HOME
DETAILS
MAL
മധ്യപ്രദേശില് നിര്ബന്ധിത മതപരിവര്ത്തനം ആരോപിച്ച് അറസ്റ്റിലായ വൈദികന് ജാമ്യം
November 06, 2025 | 1:17 PM
ന്യൂഡല്ഹി: മധ്യപ്രദേശില് നിര്ബന്ധിത മതപരിവര്ത്തനം ആരോപിച്ച് അറസ്റ്റിലായ മലയാളി വൈദികന് ജാമ്യം. രത്ലം ജില്ല കോടതിയാണ് വൈദികന് ജാമ്യം അനുവദിച്ചത്. മതപരിവര്ത്തന നിരോധന നിയമം ചുമത്തി തിരുവനന്തപുരം സ്വദേശി ഫാദര് ഗോഡ്വിനെയാണ് മധ്യപ്രദേശ് പൊലിസ് അറസ്റ്റ് ചെയ്തത്.
കഴിഞ്ഞ മാസം 25നായിരുന്നു കേസിനാസ്പദമായ സംഭവം. 25 വര്ഷത്തിലധികമായി ഉത്തരേന്ത്യ കേന്ദ്രീകരിച്ച് പ്രവര്ത്തിക്കുന്ന വ്യക്തിയാണ് ഇദ്ദേഹം. അറസ്റ്റിന് പിന്നാലെ കേസ് ഡയറി കോടതിയില് ഹാജരാക്കാതെ പൊലിസ് നടപടികള് വൈകിപ്പിച്ചതായി പരാതി ഉയര്ന്നിരുന്നു. ഒടുവില് 12 ദിവസങ്ങള്ക്ക് ശേഷമാണ് വൈദികന് ജാമ്യം അനുവദിച്ചത്.
Father Godwin from Thiruvananthapuram, arrested in Madhya Pradesh for alleged forced religious conversion, has been granted bail by the Ratlam district court.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."