കണ്ണൂർ: ഏറെ വിവാദമായ യൂത്ത് ലീഗ് പ്രവർത്തകൻ അരിയിൽ ശുക്കൂറിനെ വിചാരണ നടത്തി കൊലപ്പെടുത്തിയ കേസിലെ പ്രതിയെ മേഖലാ സെക്രട്ടറിയാക്കി ഡിവൈഎഫ്‌ഐ (DYFI).

കേസിലെ 15-ാം പ്രതിയായ ഷിജിൻ മോഹനെയാണ് കണ്ണപുരം ഈസ്റ്റ് മേഖലാ സെക്രട്ടറിയായി ഡിവൈഎഫ്‌ഐ തിരഞ്ഞെടുത്തത്. കേസിന്റെ വിചാരണ നടപടികൾ ഈ വർഷം മേയ് മാസത്തിൽ ആരംഭിച്ചിരുന്നു. അതിനിടെയാണ് പ്രതിയെ സംഘടനയിൽ പ്രധാന ചുമതല നൽകിയിരിക്കുന്നത്.

2012 ഫെബ്രുവരി 20-നാണ് യൂത്ത് ലീഗ് നേതാവായിരുന്ന അരിയിൽ ഷുക്കൂർ കൊല്ലപ്പെടുന്നത്. കണ്ണപുരം കീഴറയിലെ വള്ളുവൻകടവിനടുത്ത് വെച്ച് ഷുക്കൂറിനെ രണ്ടര മണിക്കൂറോളം ബന്ദിയാക്കിയ ശേഷമാണ് കൊലപ്പെടുത്തിയത്. 24-ാം വയസ്സിലാണ് ഷുക്കൂർ അതിദാരുണമായി കൊല്ലപ്പെട്ടത്. ഈ കേസിൽ സി.പി.ഐ.എം. (CPI(M)) നേതാക്കളായ പി. ജയരാജനും ടി.വി. രാജേഷും ഉൾപ്പെടെ 33 പേരാണ് പ്രതിപ്പട്ടികയിലുള്ളത്.

kerala's democratic youth federation (dyfi) has appointed shijin mohan, the 15th accused in the high-profile ariyal shukoor murder case, as its kannapuram east regional secretary. shukoor, an msf leader, was allegedly held captive for two and a half hours before being killed in 2012. the case, which includes cpi(m) leaders p. jayarajan and t.v. rajesh among the 33 accused, recently started its trial proceedings in may. the appointment has sparked controversy given the gravity of the ongoing trial.