തിരുവനന്തപുരം: തദ്ദേശ തെരഞ്ഞെടുപ്പില്‍ ഡീപ് ഫേക്ക് വീഡിയോകള്‍, ഓഡിയോകള്‍ ഉപയോഗിച്ചുള്ള പ്രചരണം വിലക്കി തെരഞ്ഞെടുപ്പ് കമ്മീഷന്‍. വ്യാജ ചിത്രങ്ങളും, ശബ്ദ സന്ദേശങ്ങളും ഉപയോഗിച്ചുള്ള പ്രചാരണങ്ങളില്‍ നടപടിയുണ്ടാകുമെന്ന് കമ്മീഷന്‍ അറിയിച്ചു. 

എ.ഐ വീഡിയോകള്‍ വ്യാപകമായതിന് പിന്നാലെയാണ് നടപടി. രാഷ്ട്രീയ പാര്‍ട്ടികളുടെ ഔദ്യോഗിക പേജുകളില്‍ ഇത്തരം  ഉള്ളടക്കങ്ങള്‍ ഉള്‍പ്പെട്ടിട്ടുണ്ടെങ്കില്‍ ഉടന്‍ നീക്കം ചെയ്യാനും നിര്‍ദേശമുണ്ട്. എ.ഐ കണ്ടന്റുകള്‍ ഉപയോഗിക്കുകയാണെങ്കില്‍ നിര്‍മാതാവിന്റെ വിശദാംശങ്ങള്‍ നല്‍കാണമെന്നും കമ്മീഷന്‍ വ്യക്തമാക്കി. 

അതേസമയം ത​ദ്ദേ​ശ തെ​ര​ഞ്ഞെ​ടു​പ്പിനായി ഹരിത പെരുമാറ്റച്ചട്ടം തെരഞ്ഞെടുപ്പ് കമ്മീഷൻ പുറത്തിറക്കി. തെരഞ്ഞെടുപ്പ് പ്രചരണത്തിൽ ‌പ്ലാസ്റ്റിക്, പിവിസി, ഫ്ലക്സ് എന്നിവയുടെ ഉപയോ​ഗം പൂർണമായും നിരോ‍ധിച്ചു. റീസെെക്കിൾ ചെയ്യാൻ സാധിക്കുന്ന ഹരിത വസ്തുക്കൾ ഉപയോ​ഗിച്ച് മാത്രമേ കൊടിതോരണങ്ങളും, പ്രചരണ ബോർഡുകളും നിർമിക്കാൻ പാടുള്ളൂ എന്നുമാണ് നിർദേശം. 

ALSO READ: വൈഷ്ണയ്‌ക്കെതിരെ പരാതി നല്‍കിയ സി.പി.എം ബ്രാഞ്ച് അംഗത്തിന്റെ വീട്ടു നമ്പറില്‍ 22 പേര്‍; ക്രമക്കേടെന്ന് ആരോപണം 

പ്ര​ചാ​ര​ണ​ങ്ങ​ൾ​ക്കും പ​ര​സ്യ​ങ്ങ​ൾ​ക്കും പ​രി​സ്ഥി​തി സൗ​ഹൃ​ദ വ​സ്തു​ക്ക​ൾ മാ​ത്ര​മേ പാ​ടു​ള്ളു. പോ​ളിം​ഗ് ബൂ​ത്തു​ക​ൾ, വോ​ട്ടെ​ണ്ണ​ൽ കേ​ന്ദ്ര​ങ്ങ​ൾ, പ​രി​ശീ​ല​ന ക്യാ​മ്പു​ക​ൾ എ​ന്നി​വി​ട​ങ്ങ​ളി​ൽ സ്റ്റീ​ൽ, ചി​ല്ല്, സെ​റാ​മി​ക് പാ​ത്ര​ങ്ങ​ൾ മാ​ത്ര​മേ ഭ​ക്ഷ​ണ പാ​നീ​യ വി​ത​ര​ണ​ത്തി​ന് ഉ​പ​യോ​ഗി​ക്കാ​വൂ. വാ​ഴ​യി​ല​യി​ലോ പാ​ത്ര​ങ്ങ​ളി​ലോ ഭ​ക്ഷ​ണ പാ​ഴ്സ​ലു​ക​ൾ ത​യാ​റാ​ക്ക​ണം. ബോ​ർ​ഡു​ക​ൾ, ബാ​ന​റു​ക​ൾ, ഹോ​ൾ​ഡി​ങ്ങു​ക​ൾ തു​ട​ങ്ങി​യ​വ നി​ർ​മി​ക്കു​ന്ന​തി​ന് പേ​പ്പ​ർ, പി.​സി.​ബി സ​ർ​ട്ടി​ഫൈ ചെ​യ്ത 100 ശ​ത​മാ​നം കോ​ട്ട​ൺ, പു​ന:​ചം​ക്ര​മ​ണം ചെ​യ്യാ​വു​ന്ന പോ​ളി​എ​ത്തി​ലി​ൻ പോ​ലു​ള്ള​വ ഉ​പ​യോ​ഗി​ക്കാം. രാ​ഷ്ട്രീ​യ പാ​ർ​ട്ടി ഓ​ഫി​സു​ക​ൾ അ​ല​ങ്ക​രി​ക്കാ​ൻ പ്ര​കൃ​തി സൗ​ഹൃ​ദ വ​സ്തു​ക്ക​ൾ​മാ​ത്രം ഉ​പ​യോ​ഗി​ക്ക​ണം.  പ്ലാ​സ്റ്റി​ക് ബോ​ട്ടി​ലു​ക​ൾ, തെ​ർ​മോ​കോ​ൾ ക​പ്പു​ക​ൾ, പ്ലാ​സ്റ്റി​ക് പാ​ഴ്സ​ലു​ക​ൾ തു​ട​ങ്ങി​യ​വ ഒ​ഴി​വാ​ക്ക​ണമെന്നും തെരഞ്ഞെടുപ്പ് കമ്മീഷൻ നിർദേശിച്ചു. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ശേ​ഷം പ്ര​ചാ​ര​ണ സാ​മ​ഗ്രി​ക​ൾ ശേ​ഖ​രി​ച്ച് ഹ​രി​ത​ക​ർ​മ സേ​ന​ക്ക്​ കൈ​മാ​റ​ണമെന്നും നിർദേശമുണ്ട്.  അ​തി​ന് യൂ​സ​ർ​ഫീ ന​ൽ​ക​ണമെന്നും, അ​ല്ലാ​ത്ത​പ​ക്ഷം ത​ദ്ദേ​ശ സ്ഥാ​പ​ന​ങ്ങ​ൾ അ​ത്​ നീ​ക്കി ചെ​ല​വ് സ്ഥാ​നാ​ർ​ഥി​ക​ളി​ൽ നി​ന്ന്​ ഈ​ടാ​ക്കുമെന്നും സർക്കുലറിൽ വ്യക്തമാക്കി. 

election commission has prohibited deep-fake videos, audios, and other fake media in local election campaigns and warned of strict action against such misuse.