ദുബൈ: അൽ ദഫ്ര മേഖലയിലെ പ്രധാന റോഡുകളിലൊന്നിൽ ഗതാഗത നിയന്ത്രണം ഏർപ്പെടുത്തിയതായി അബൂദബി മൊബിലിറ്റി അറിയിച്ചു. മദീനത്ത് സായിദിലെ ശൈഖ സലാമ ബിൻത് ബുത്തി റോഡിലെ (Sheikha Salama Bint Butti Road - E45) ഇന്റർസെക്ഷനുകളിലാണ് ഭാഗികമായി റോഡ് അടച്ചിടുന്നത്.

2025 നവംബർ 19, ബുധനാഴ്ച അർധരാത്രി (12:00 AM) മുതൽ ആരംഭിക്കുന്ന ​ഗതാ​ഗത നിയന്ത്രണം നവംബർ 30, ഞായറാഴ്ച രാവിലെ 5:00 മണി വരെ തുടരും. റോഡ് അറ്റകുറ്റപ്പണികളുടെയും നവീകരണ പ്രവർത്തനങ്ങളഉടെയും ഭാ​ഗമായാണ് 11 ദിവസത്തെ നിയന്ത്രണം ഏർപ്പെടുത്തുന്നത്.

ALSO READ: വ്യക്തിഗത വായ്പാ നിയമങ്ങളിലെ മാറ്റം: കുറഞ്ഞ ശമ്പള പരിധി നീക്കി; ദശലക്ഷക്കണക്കിന് പേർക്ക് വായ്പ ലഭിച്ചേക്കും

യാത്രക്കാർ ശ്രദ്ധിക്കേണ്ട കാര്യങ്ങൾ:

• നിർമ്മാണ പ്രവർത്തനങ്ങൾ നടക്കുന്ന സ്ഥലങ്ങളിൽ സ്ഥാപിച്ചിട്ടുള്ള ട്രാഫിക് ബോർഡുകളും നിർദ്ദേശങ്ങളും കൃത്യമായി പാലിക്കുക.
• വാഹനമോടിക്കുമ്പോൾ വേഗപരിധി പാലിക്കാനും അതീവ ജാഗ്രത പുലർത്താനും അധികൃതർ നിർദ്ദേശിച്ചിട്ടുണ്ട്.
• തിരക്ക് ഒഴിവാക്കാനായി യാത്രകൾ നേരത്തെ പ്ലാൻ ചെയ്യുകയും, സാധ്യമെങ്കിൽ ബദൽ വഴികൾ ഉപയോഗിക്കുകയും ചെയ്യുക.

Abu Dhabi Mobility has announced a partial closure of intersections on Sheikha Salama Bint Butti Road (E45) in Madinat Zayed, Al Dhafra region, from November 19, 2025, to November 30, 2025. The closure is to facilitate essential maintenance and improvement works, and motorists are advised to plan their journeys accordingly and use alternative routes.