മസ്കത്ത്: ഒമാന്‍ ടെലി കമ്മ്യൂണിക്കേഷന്‍ കമ്പനിയുടെ (ഒമാന്‍ ടെല്ല്) പുതിയ ചീഫ് എക്‌സിക്യൂട്ടീവ് ഓഫീസറായി എന്‍ജിനീയര്‍ അലാദീന്‍ ബിന്‍ അബ്ദുള്ള ബൈത്ത് ഫാദിലിനെ നിയമിച്ചതായി ഡയറക്ടര്‍ ബോര്‍ഡ് അറിയിച്ചു. ഈ സ്ഥാനത്തേക്ക് വരുന്നതിന് മുമ്പ് അലാദീന്‍ ഒമാന്‍ ടെല്ലിന്റെ ചീഫ് കൊമേഷ്യല്‍ ഓഫീസറായിരുന്നു. ഒമാന്‍ ടെല്ലിന്റെ വാണിജ്യ തന്ത്രങ്ങള്‍ക്കും ഡിജിറ്റല്‍ പരിവര്‍ത്തനങ്ങള്‍ക്കും നേതൃത്വം നല്‍കി കമ്പനിയുടെ സ്ഥാനം ശക്തിപ്പെടുത്തുന്നതില്‍ അദ്ദേഹം നിര്‍ണായക പങ്കുവഹിച്ചു. ടെലികോം മേഖലയില്‍ 20 വര്‍ഷത്തിലേറെ പരിചയമുള്ള അലാദീന് വ്യവസായ പരിജ്ഞാനവും വിപണിയെക്കുറിച്ചുള്ള ആഴത്തിലുള്ള ധാരണയും മുതല്‍കൂട്ടാവും.

ALSO READ: ഇന്ത്യന്‍ രൂപയ്ക്കിത് തിരിച്ചടികളുടെ കാലം; 90 കടക്കാതിരിക്കാന്‍ കിണഞ്ഞുശ്രമിച്ച് റിസര്‍വ് ബാങ്ക്; വിദേശ കറന്‍സികളുമായുള്ള ഇന്നത്തെ വിനിമയ നിരക്ക് ഇങ്ങനെ | Indian Rupee on 2025 November 24

സുല്‍ത്താന്‍ ഖാബൂസ് യൂണിവേഴ്‌സിറ്റിയില്‍ നിന്നും ഇലക്ട്രിക് ആന്‍ഡ് ഇലക്ട്രോണിക്‌സ് എന്‍ജിനീയറിങിലായിരുന്നു അലാദീന്റെ ബിരുദം. കൂടാതെ, ഹാര്‍വാര്‍ഡ് ബിസിനസ് സ്‌കൂള്‍, ലണ്ടന്‍ ബിസിനസ് സ്‌കൂള്‍ എന്നിവിടങ്ങളില്‍ നിന്ന് അഡ്വാന്‍സ്ഡ് എക്‌സിക്യൂട്ടീവ് പ്രോഗ്രാമുകളും അദ്ദേഹം പൂര്‍ത്തിയാക്കിയിട്ടുണ്ട്. ഒമാന്‍ ടെല്ലിനെ നയിക്കാനുള്ള എഞ്ചിനീയര്‍ അലാദീന്റെ കഴിവില്‍ ബോര്‍ഡ് പൂര്‍ണ വിശ്വാസം പ്രകടിപ്പിച്ചു.

Oman Telecommunications Company (Omantel) has announced the appointment of Engineer Aladdin bin Abdullah Bait Fadhil as its new Chief Executive Officer. Fadhil, who previously served as Omantel's Chief Commercial Officer, brings over 20 years of experience in the telecom sector and is expected to lead the company's next phase of innovation and growth.