ദുബൈ: ദമ്പതികൾക്കിടയിൽ ഉടലെടുത്ത ഒരു തർക്കം ശാരീരിക അതിക്രമത്തിലേക്കും മറ്റ് നാശനഷ്ടങ്ങളിലേക്കും നയിച്ചതിനെ തുടർന്ന് ഗൾഫ് വംശജനായ ഭർത്താവിനും അറബ് വംശജയായ ഭാര്യയ്ക്കും 8,000 ദിർഹം വീതം പിഴ ചുമത്തിയ ഫസ്റ്റ് ഇൻസ്റ്റൻസ് വിധി ശരിവെച്ച് ദുബൈ അപ്പീൽ കോടതി.

ഭർത്താവ് ഭാര്യയെ ആക്രമിക്കുകയും വഴക്കിനിടെ മൊബൈൽ ഫോൺ പിടിച്ചുവാങ്ങുകയും ചെയ്തു. ഇതിൽ കുപിതയായ ഭാര്യ ഭർത്താവിന്റെ ആഡംബര വാഹനത്തിന്റെ ചില്ല് തകർത്ത് വാഹനത്തിന് കേടുപാടുകൾ വരുത്തി.

ALSO READ: 1,400-ലധികം പൗരന്മാരുടെ 475 മില്യൺ ദിർഹം കടം എഴുതിത്തള്ളി യുഎഇ പ്രസിഡന്റ് 

കഴിഞ്ഞ മാർച്ചിലാണ് സംഭവം നടക്കുന്നത്. വാക്കുതർക്കത്തെ തുടർന്ന് ഭർത്താവ് ഭാര്യയെ കൈയേറിയ വടികൊണ്ട് അടിക്കുകയും ആക്രമണത്തിനിടെ ഫോൺ കൈക്കലാക്കുകയും ചെയ്യുകയായിരുന്നുവെന്ന് അൽ ഖലീജ് അറബിക് ദിനപത്രം റിപ്പോർട്ട് ചെയ്തു. തർക്കം രൂക്ഷമായപ്പോൾ മകനെ മറ്റൊരു മുറിയിലേക്ക് കൊണ്ടുപോകാൻ ഭർത്താവ് തന്നോട് പറഞ്ഞതായും തുടർന്ന് ഭാര്യ പുറത്തുപോയി കാറിന്റെ ചില്ല് തകർത്തതായും പിൻവാതിലും പുറംഭാഗവും തകർക്കുകയായിരുന്നുവെന്നും ഇവരുടെ വീട്ടിലെ ജോലിക്കാരി വ്യക്തമാക്കി.

ALSO READ: ദേശീയ ദിനത്തോടനുബന്ധിച്ച് വമ്പൻ പ്രഖ്യാപനവുമായി du; ഉപയോക്താക്കൾക്ക് 54GB സൗജന്യ ഡാറ്റയും മറ്റ് ഓഫറുകളും  

ചോദ്യം ചെയ്യലിൽ, വിവാഹത്തർക്കങ്ങൾ തുടരുന്നതിനാൽ ഭർത്താവ് തന്നെ ആക്രമിച്ചുവെന്നും സഹായത്തിനായി വിളിക്കുന്നത് തടയാൻ തന്റെ ഫോൺ പിടിച്ചുവാങ്ങിയെന്നും ഭാര്യ പറഞ്ഞു. ആവർത്തിച്ചുള്ള ആക്രമണങ്ങളുടെ പേരിൽ മുമ്പ് ഇയാൾക്കെതിരെ പരാതി നൽകിയിരുന്നതായും അനുരഞ്ജനത്തിന് വിസമ്മതിച്ചതായും അവർ പറഞ്ഞു. സംഘർഷത്തിന് ഇരു കക്ഷികളും ഉത്തരവാദികളാണെന്ന് നിരീക്ഷിച്ചാണ് കോടതി ഇരുവർക്കും പിഴ ചുമത്തിയത്.

a domestic dispute escalated when a husband beat his wife with a stick and the wife retaliated by smashing his car window. the court has imposed heavy fines on both after reviewing the incident.