മസ്‌കത്ത്: ഹൃദയാഘാതത്തെത്തുടര്‍ന്ന് കണ്ണൂര്‍ സ്വദേശി മസ്‌കത്ത് എയര്‍പോര്‍ട്ടില്‍ വച്ച് അന്തരിച്ചു. പാപ്പിനിശ്ശേരി, ആരത്തില്‍ ജുമാ മസ്ജിദിനടുത്ത് കളത്തില്‍ ഉമ്മര്‍ ശാദുലി (77)യാണ് മരിച്ചത്.
സുഹാറിലെ ഫലാജില്‍ വിസിറ്റ് വിസയില്‍ മകളുടെ അടുത്തേക്ക് എത്തിയതായിരുന്നു. തിരിച്ചു നാട്ടില്‍ പോകാനായി വിമാനത്താവളത്തില്‍ എത്തിയപ്പോള്‍ ശാരീരിക അസ്വസ്ഥത അനുഭവപ്പെടുകയായിരുന്നു. ഉടനെ എയര്‍പോര്‍ട്ടില്‍ ഉള്ള കിംസ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. തുടര്‍ നടപടികള്‍ പൂര്‍ത്തിയാക്കി മൃതദേഹം ആമിറാത്ത് ഖബര്‍സ്ഥാനില്‍ മറവ് ചെയ്തു.
പിതാവ്: അബ്ദുല്ല. മാതാവ്: റാബിയത്തുല്‍ അലവിയ. ഭാര്യ: സഫിയത്ത്.