പത്തനംതിട്ട: 'തീവ്രത' പരാമര്‍ശം നടത്തിയ സി.പി.എം വനിതാ നേതാവ് ലസിതാ നായര്‍ക്ക് പന്തളം നഗരസഭ എട്ടാം വാര്‍ഡില്‍ തോല്‍വി. നഗരസഭാ പ്രതിപക്ഷ നേതാവായിരുന്നു ലസിത നായര്‍. അഖിലേന്ത്യാ മഹിളാ അസോസിയേഷന്‍ പത്തനംതിട്ട ജില്ലാ സെക്രട്ടറി കൂടിയാണ്. 

രാഹുല്‍ മാങ്കൂട്ടത്തിലിന്റേത് അതിതീവ്രപീഡനമെന്നും മുകേഷ് എം.എല്‍.എയുടെ തീവ്രത കുറഞ്ഞ പീഡനം എന്നായിരുന്നു വിവാദ പരാമര്‍ശം. മുകേഷിന്റെത് പീഡനം എന്ന് ഞങ്ങള്‍ അംഗീകരിച്ചിട്ടില്ലെന്നും എന്തെങ്കിലും കാര്യമുണ്ടായിരുന്നെങ്കില്‍ നടപടി വന്നേനെ എന്നും ആയിരുന്നു ലസിതാ നായര്‍ പറഞ്ഞത്. 

രാഹുല്‍ മാങ്കൂട്ടത്തിലിന്റെ കേസും മുകേഷിന്റെ കേസും രണ്ട് പശ്ചാത്തലത്തിലുള്ളതാണ്. രാഹുലിന്റേത് അതിതീവ്രമായ പീഡനവും മുകേഷിന്റേത് തീവ്രത കുറഞ്ഞതുമാണെന്നായിരുന്നു വിവാദ പരാമര്‍ശം.

 മുകേഷിന് എതിരെ കോടതിയുടെ ശിക്ഷാനടപടികള്‍ ഒന്നും ഉണ്ടായിട്ടില്ല. വ്യക്തമായ തെളിവുകളോ പരാതിയോ ഇല്ലാത്തതുകൊണ്ടാണ് മുകേഷ് പുറത്തുനില്‍ക്കുന്നത്. രണ്ടും രണ്ട് പശ്ചാത്തലത്തിലുള്ളത് ആണെന്നാണ് ലസിത പറഞ്ഞത്. സി.പി.എമ്മിന് പരാതി കിട്ടിയാല്‍ അതെല്ലാം പൊലിസിന് കൈമാറിയിട്ടുണ്ടെന്നും പാര്‍ട്ടി ശിക്ഷ വിധിക്കാറില്ലെന്നും ലസിതാ നായര്‍ പറഞ്ഞിരുന്നു.