ന്യൂഡല്‍ഹി: തിങ്കളാഴ്ച പുലര്‍ച്ചെ മുതല്‍ രാജ്യതലസ്ഥാനത്തെ വായു ഗുണനിലവാര സൂചിക കുത്തനെ താഴ്ന്നത് ജനജീവിതത്തെ സാരമായി ബാധിച്ചു. പുകമഞ്ഞ് രൂക്ഷമായതോടെ കാഴ്ച മറയുകയും വിമാന സര്‍വീസുകള്‍ ഉള്‍പ്പെടെ റദ്ദാക്കുന്ന സാഹചര്യത്തിലേക്കുമാണ് കാര്യങ്ങളെത്തിക്കുന്നത് . ഉച്ചവരെ ഡല്‍ഹിയില്‍നിന്ന് പുറപ്പെടേണ്ടിയിരുന്ന 66 വിമാനങ്ങളാണ് റദ്ദാക്കിയിരിക്കുന്നത്.

60 ട്രെയിനുകള്‍ വൈകിയാണ് ഓടുന്നത്. രാവിലത്തെ താപനില 12 ഡിഗ്രി സെല്‍ഷ്യസ് വരെ താഴ്ന്നിരുന്നു. വായു ഗുണനിലവാര സൂചിക 500നോട് അടുത്തതോടെ അതീവ ഗുരുതര നിലയിലാണ് അവസ്ഥ. ആനന്ദ് വിഹാറിലും അക്ഷര്‍ധാമിലും 493ഉം ദ്വാരകയില്‍ 469മാണ് എയര്‍ ക്വാളിറ്റി ഇന്‍ഡക്‌സ് (എ.ക്യു.ഐ).

നോയിഡയില്‍ 454 ആണ് എ.ക്യു.ഐ. 51നും 100നും ഇടയിലാണ് തൃപ്തികരമായ എ.ക്യു.ഐ. 101-200 ഭേദപ്പെട്ടത്, 201-300 മോശം, 301-400 വളരെ മോശം, 401-450 ഗുരുതരം, 451-500 അതിഗുരുതരം എന്നിങ്ങനെയാണ് എ.ക്യു.ഐ തരംതിരിച്ചിട്ടുള്ളത്. വിഷമയമായ പുകമഞ്ഞ് കാഴ്ച മറയ്ക്കുന്നതിന്റെ ദൃശ്യങ്ങള്‍ സമൂഹമാധ്യമങ്ങളിലും പ്രചരിക്കുന്നുണ്ട്.

 ALSO READ: സിറിയയിലെ ഭീകരാക്രമണത്തെ യു.എ.ഇ അപലപിച്ചു

വായു മലിനീകരണത്തോടൊപ്പം ശൈത്യം കടുത്തതാണ് ഉത്തരേന്ത്യയില്‍ സാഹര്യം കൂടുതല്‍ രൂക്ഷമാക്കിയത്. രാവിലെ രൂപപ്പെട്ട പുകമഞ്ഞില്‍ പലയിടങ്ങളിലും കാഴ്ച പരിധി പൂജ്യമായി കുറഞ്ഞിരുന്നു. പ്രധാനമന്ത്രിയുടെയും മെസ്സിയുടെ അടക്കം നിരവധി വിമാനങ്ങളെ മൂടല്‍മഞ്ഞു ബാധിച്ചു.

വിമാനത്താവളങ്ങളിലേക്ക് പോകുന്നതിനുമുമ്പ് ഫ്‌ളൈറ്റ് സ്റ്റാറ്റസുകള്‍ പരിശോധിക്കണമെന്ന് വിമാന കമ്പനികള്‍ നിര്‍ദേശവും നല്‍കി. ഡല്‍ഹി സര്‍ക്കാര്‍ കൂടുതല്‍ നിയന്ത്രണങ്ങള്‍ കൊണ്ടുവന്നിട്ടുണ്ട്. 50 ശതമാനം ആളുകള്‍ വീടുകളില്‍ നിന്ന് ജോലി ചെയ്യാനും ക്ലാസുകള്‍ ഓണ്‍ലൈന്‍ ആക്കാനും നിര്‍ദേശം നല്‍കി.

Since early Monday, Delhi has been grappling with extremely poor air quality, causing serious disruption to daily life. Dense smog has reduced visibility significantly, leading to the cancellation of 66 flights and delays for around 60 trains. Morning temperatures dropped to 12°C, while the Air Quality Index (AQI) reached near-critical levels, with Anand Vihar at 493, Akshardham at 493, Dwarka at 469, and Noida at 454. AQI levels above 451 are classified as “severe,” indicating hazardous conditions. The combination of heavy air pollution and cold weather has created a challenging situation across North India, with thick smog reducing visibility in many areas and affecting transportation, including flights carrying high-profile passengers. Images of the dense fog have circulated widely on social media.