എടവണ്ണ: നിയന്തണംവിട്ട കാര്‍ ബൈക്കിലിടിച്ചു ബൈക്ക് യാത്രക്കാരന് സാരമായി പരുക്കേറ്റു. ബൈക്ക് യാത്രക്കാരനായ തിരുവാലി പുന്നപ്പാലയിലെ തോട്ടത്തൊടി അറമുഖന്റെ മകന്‍ സുനില്‍കുമാറി(31)നെയാണ് തലക്കും കാലിനും സാരമായി പരുക്കേറ്റ നിലയില്‍ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്. വെള്ളിയാഴ്ച ഉച്ചക്ക് പന്ത്രണ്ടോടെ ജാമിഅക്ക് സമീപത്തെ വളവില്‍ വച്ചാണ് അപകടം. എടവണ്ണയില്‍ നിന്നു പുന്നപാലയിലേക്ക് പോവുകയായിരുന്ന സുനില്‍കുമാറിന്റെ ബൈക്കിനെ എതിരെ ദിശമാറി വന്ന ആള്‍ട്ടോ കാര്‍ ഇടിച്ചുതെറിപ്പിക്കുകയായിരുന്നു. ഇടിയുടെ ആഘാതത്തില്‍ ബൈക്ക് 15 മീറ്റര്‍ ദൂരേക്ക് തെറിച്ചു വീണു. മരമില്ല് തൊഴിലാളിയാണ് സുനില്‍കുമാര്‍. കാര്‍യാത്രക്കാരനായ അയനിക്കോട് സ്വദേശിയെയും നിസാര പരുക്കോടെ എടവണ്ണയിലെ സ്വകാര്യാശുപത്രിയില്‍ പ്രവേശിപ്പിച്ചു.