പുളിക്കല്‍: 'ഓടാം നാട്ടുനന്മയുടെ കൂട്ടമായ്, നേടാം ജീവിതാരോഗ്യനാളുകള്‍ ' എന്ന പ്രമേയവുമായി പുളിക്കല്‍  ഗ്രാമപഞ്ചായത്ത് പുളിക്കലില്‍ നിന്ന് കൊട്ടപ്പുറത്തേക്ക് മിനിമാരത്തോണ്‍  സംഘടിപ്പിച്ചു. ഓണാഘോഷത്തോടനുബന്ധിച്ചായിരുന്നു മിനി മാരത്തോണ്‍. ജനങ്ങള്‍ക്ക് ജീവിതാരോഗ്യ സന്ദേശം നല്‍കുന്നതിനും കുത്തിവെപ്പ് ബോധവത്കരണവും ലക്ഷ്യമിട്ടാണ് പരിപാടി സംഘടിപ്പിച്ചത്.
പുളിക്കല്‍ പഞ്ചായത്ത് മെമ്പര്‍മാര്‍, വിവിധ സ്‌കൂളുകളിലെ എന്‍.എസ്.എസ് വിദ്യാര്‍ഥികള്‍,  അധ്യപകര്‍, വളണ്ടിയേഴ്‌സ്, അംഗന്‍വാടി വര്‍ക്കേഴ്‌സ്, കുടുംബശ്രീ സാക്ഷരതാ പ്രവര്‍ത്തകര്‍, ആശാ  വര്‍ക്കേഴ്‌സ്, വിവിധ ക്ലബ് പ്രതിനിധികള്‍ തുടങ്ങിയവര്‍ മാരത്തോണില്‍ പങ്കെടുത്തു. കൊണ്ടോട്ടി  മണ്ഡലം എം.എല്‍.എ ടി.വി ഇബ്രാഹീം മാത്തോണ്‍ ഫ്‌ളാഗ് ഓഫ് ചെയ്തു. പഞ്ചായത്ത് പ്രസിഡന്റ് സുനീറ അബ്ദുല്‍വഹാബ് അധ്യക്ഷയായി.
വൈസ് പ്രസിഡന്റ് ചീരങ്ങന്‍ മുഹമ്മദ് മാസ്റ്റര്‍, പി അബ്ദുള്ള മാസ്റ്റര്‍, കെ.വി ഹുസ്സന്‍ കുട്ടി, ഉമര്‍ പി, ഇ.എം ബിച്ചാപ്പു തുടങ്ങിയവര്‍ പങ്കെടുത്തു.