റിയാദ്: ലോകമെമ്പാടുമുള്ള ശാസ്ത്രജ്ഞർക്കും പണ്ഡിതർക്കും നൽകുന്ന 2026 ലെ കിങ് ഫൈസൽ പുരസ്കാരങ്ങൾ പ്രഖ്യാപിച്ചു. പ്രിൻസ് തുർക്കി അൽ ഫൈസലും പുരസ്കാര സമിതി സെക്രട്ടറി ജനറൽ ഡോ. അബ്ദുൽ അസീസ് അൽസെബൈലും ചേർന്നാണ് വിജയികളെ പ്രഖ്യാപിച്ചത്.

ALSO READ: മരുഭൂമിയില്‍ കടല്‍ജീവികളുടെ അടയാളങ്ങള്‍;അല്‍ഉലയില്‍ അപൂര്‍വ്വ ഫോസിലുകള്‍ കണ്ടെത്തി

പ്രധാന പുരസ്കാര ജേതാക്കളെ നോക്കാം:

1. വൈദ്യശാസ്ത്രം: പ്രൊഫ. സ്വെറ്റ്‌ലാന മോയ്‌സോവ് അമിതവണ്ണവും പ്രമേഹവും ചികിത്സിക്കുന്ന രീതിയിൽ വിപ്ലവകരമായ മാറ്റം കൊണ്ടുവന്ന കണ്ടെത്തലുകൾക്കാണ് ന്യൂയോർക്കിലെ റോക്ക്ഫെല്ലർ സർവ്വകലാശാലയിലെ പ്രൊഫസറായ സ്വെറ്റ്‌ലാനയെ തിരഞ്ഞെടുത്തത്. രക്തത്തിലെ പഞ്ചസാരയുടെ അളവും വിശപ്പും നിയന്ത്രിക്കുന്ന 'GLP-1' എന്ന ഹോർമോണിനെക്കുറിച്ചുള്ള പഠനങ്ങളാണ് ശരീരഭാരം കുറയ്ക്കൽ മരുന്നുകൾക്ക് വഴിയൊരുക്കിയത്.

2. ശാസ്ത്രം: പ്രൊഫ. കാർലോസ് കെനിഗ് ഗണിതശാസ്ത്രത്തിലെ സങ്കീർണ്ണമായ 'നോൺ ലീനിയർ പാർഷ്യൽ ഡിഫറൻഷ്യൽ ഇക്വേഷനുകളിൽ' വരുത്തിയ വിപ്ലവകരമായ മാറ്റങ്ങൾക്കാണ് ഷിക്കാഗോ സർവ്വകലാശാലയിലെ പ്രൊഫസറായ കാർലോസ് കെനിഗിന് പുരസ്കാരം ലഭിച്ചത്. കടൽ തിരമാലകൾ, ഒപ്റ്റിക്കൽ ഫൈബറുകൾ, മെഡിക്കൽ ഇമേജിങ് എന്നിവയുടെ പഠനത്തിൽ ഇദ്ദേഹത്തിന്റെ ഗണിതശാസ്ത്ര കണ്ടുപിടിത്തങ്ങൾ ഏറെ സഹായകരമാണ്.

3. അറബി ഭാഷയും സാഹിത്യവും: പിയറി ലാർഷെ ഫ്രഞ്ച് വായനക്കാർക്ക് അറബി സാഹിത്യത്തെ പരിചയപ്പെടുത്തിയതിനും പുരാതന അറബി കവിതകളെക്കുറിച്ച് നടത്തിയ ആഴത്തിലുള്ള പഠനങ്ങൾക്കുമാണ് പിയറി ലാർഷെ പുരസ്കാരം നേടിയത്.

4. ഇസ്ലാമിക് സ്റ്റഡീസ്: ഈ വിഭാഗത്തിൽ രണ്ട് പേർ പുരസ്കാരം പങ്കിട്ടു: അബ്ദുൽ ഹമീദ് ഹുസൈൻ മഹ്മൂദ് ഹമ്മൂദ: ഇസ്ലാമിക ലോകത്തെ ചരിത്രപരമായ വ്യാപാര പാതകളെക്കുറിച്ചുള്ള സമഗ്ര പഠനത്തിന്.
മുഹമ്മദ് വഹീബ് ഹുസൈൻ: ഖുറാൻ വചനങ്ങളെ പുരാവസ്തു ഗവേഷണങ്ങളുമായും ജി.പി.എസ് മാപ്പിംഗുമായും ബന്ധിപ്പിച്ച് നടത്തിയ പഠനത്തിനാണത്.

5. ഇസ്ലാം മതസേവനം: ഷെയ്ഖ് അബ്ദുല്ലത്തീഫ് അൽ-ഫൗസാൻ, ഡോ. മുഹമ്മദ് അബു മൂസ എന്നിവർ ഈ പുരസ്കാരം പങ്കിട്ടു. ഓരോ വിഭാഗത്തിലെയും വിജയികൾക്ക് 2,00,000 ഡോളർ (ഏകദേശം 1.6 കോടി രൂപ), 200 ഗ്രാം തൂക്കമുള്ള 24 കാരറ്റ് സ്വർണ്ണ മെഡൽ, പ്രശംസാപത്രം എന്നിവയാണ് സമ്മാനത്തുകയായി ലഭിക്കുക.
വിവിധ രാജ്യങ്ങളിൽ നിന്നുള്ള വിദഗ്ധർ ഉൾപ്പെട്ട സമിതിയാണ് വിജയികളെ തിരഞ്ഞെടുത്തതെന്ന് പുരസ്കാര സമിതി വ്യക്തമാക്കി.

The 2026 King Faisal Prize winners were announced in Riyadh, honoring global pioneers in Medicine, Science, Arabic Literature, and Islamic Studies. Prof. Svetlana Mojsov (Medicine) and Prof. Carlos Kenig (Science) were among the top laureates recognized for their transformative research in obesity treatment and mathematical analysis. Each winner receives $200,000 and a 24-carat gold medal.